नेपालगन्ज १२ को नयाँ बस्तीमा प्रेम मृत भेटिए

स्थानीय

गृहपृष्ठ
स्थानीय
नेपालगन्ज १२ को नयाँ बस्तीमा प्रेम मृत भेटिए

नेपालगन्ज १२ को नयाँ बस्तीमा प्रेम मृत भेटिए

मंगलबार, माघ ४, २०७८ बागेश्वरी पोस्ट

नेपालगन्ज । नेपालगन्जको वडा नम्बर १२ मा एक जना भारतीय नागरिक आज बिहान मृत अवस्थामा फेला परेका छन् ।

भारतको बहराइच घर भई लामो समयदेखि नेपालगन्ज बस्दै आएका अन्दाजी ३०/३२ बर्षीय प्रेम पासी नयाँ बस्तीको दक्षिण तर्फको नाला नजिक मृत अवस्थामा फेला परेको जिल्ला प्रहरी बाँकेले जानकारी दिएको छ ।

भारत घर भएपनि ८/९ बर्षदेखि नेपालगन्ज १७ परसपुर आफन्तको घरमा बस्दै आएका पासी केही समयदेखि नयाँ बस्ती नाला नजिक बस्दै आएको जिल्ला प्रहरी बाँकेले जानकारी दिएको छ ।

मृतक पासीले अत्याधिक रक्सी सेवन गर्ने गरेको स्थानीयहरुले बताए । नयाँ बस्तीमा बस्दै आएका मृतक पासीलाई स्थानीयहरुले खाना समेत दिने गरेको भएपनि गएराती अत्याधिक रक्सी सेवन गरेर बाहिर चिसोमा सुतेका कारण चिसोले मृत्यु भएको हुन सक्ने जिल्ला प्रहरी बाँकेले जनाएको छ ।

शवलाई पोस्टमार्टमका लागि भेरी अस्पताल पठाएको लागेको जिल्ला बाँके प्रहरीले जानकारी दिएको छ ।

प्रकाशित मिति: मंगलबार, माघ ४, २०७८ १२:५२

प्रतिक्रिया दिनुहोस्