बाँके प्रहरीले सार्वजनिक गर्यो ६ महिनाको उपलब्धि

सुरक्षा-अपराध

गृहपृष्ठ
सुरक्षा-अपराध
बाँके प्रहरीले सार्वजनिक गर्यो ६ महिनाको उपलब्धि

बाँके प्रहरीले सार्वजनिक गर्यो ६ महिनाको उपलब्धि

राजश्व संकलनमा पनि ठूलो सफलता

मंगलबार, माघ ४, २०७८ बागेश्वरी पोस्ट

नेपालगञ्ज । बाँके प्रहरीले पछिल्लो ६ महिनामा हासिल गरेका उपलब्धिहरु सार्वजनिक गरेको छ । जिल्ला प्रहरी कार्यालय बाँकेमा आज पत्रकार सम्मेलन गरेर चालू आर्थिक बर्षको ६ महिनामा हासिल गरेका उपलब्धिहरु सार्वजनिक गरेको हो ।

भारतीय प्रहरीको समन्वयमा बाँके प्रहरीले भारतमा समेत लागूऔषधको कारोबार गर्ने कारोबारीहरुलाई ठूलो परिणामको लागूऔषधसहित पक्राउ गरेको जनाएको छ । बाँके प्रहरी प्रमुख एसपी श्यामकृष्ण अधिकारीले ६ महिनामा २६५ ग्राम ६१० मिलीग्राम ब्राउनसुगर बरामद गरिएको बताए । चरेश ४ किलो ३७५ ग्राम बरामद गरिएको छ । उनले ८८ जना लागूऔषध कारोबारी पक्राउ परेको बताए । ६ महिनामा १३९ जना फरार अभियुक्त पक्राउ परेका छन् ।

४ किलो बढी सुनसहित दुई जना सुन तस्कर यो अवधिमा पक्राउ परेका छन् । सुन भनेर नक्कली धातु विक्रि गर्ने दुई जनालाई पनि बाँके प्रहरीले पक्राउ गरेको छ । एसपी अधिकारीले भन्सार चोरी पैठारीमा २७ जनालाई पक्राउ गरेको बताए । यो अवधिमा ४ करोड ३६ लाख बराबरको सामान बरामद गरिएको छ । २० लाख बराबरका अवैध कुखुरा र माछासहित ७ जनालाई पक्राउ गरी क्वारेन्टाइन कार्यालय बुझाइएको छ ।

No description available. यस्तै विभिन्न जनावरको छाला, हड्डी र अंगसहित १० जना पक्राउ परेका छन् । अवैध हतियारसहित ४ जना, अवैध काठसहित ३ जना र जुुवातास खेल्ने ६१ जनालाई पक्राउ गरी कारवाही गरिएको बाँके प्रहरीले जनाएको छ । चालू आर्थिक बर्षको ६ महिनामा विभिन्न शिर्षकमा ९ करोड ३९ लाख राजश्व संकलन गर्न बाँके प्रहरी सफल भएको छ । जबकि गत बर्ष यही अवधिमा २ करोड ७५ लाख मात्र राजश्व उठेको थियो ।