नेपालगञ्जको कारकाँदोमा एकपछि अर्को सडक निर्माण गरिँदै

स्थानीय

गृहपृष्ठ
स्थानीय
नेपालगञ्जको कारकाँदोमा एकपछि अर्को सडक निर्माण गरिँदै

नेपालगञ्जको कारकाँदोमा एकपछि अर्को सडक निर्माण गरिँदै

बिहीबार, माघ ६, २०७८ बागेश्वरी पोस्ट

नेपालगञ्ज । नेपालगञ्ज उपमहानगरपालिका वडा नम्बर १८ कारकाँदोमा थप अर्को सडक कालोपत्रेको काम सुरु भएको छ ।

अमरनगर टोलमा सिद्धार्थ भ्यूदेखि कुखुरा फर्म हुँदै लग्दहवा जोड्ने सडकको आज वडा अध्यक्ष दिपक वर्माले शिलान्यास गरे । कारकाँदोमा यसै साता तेजनगरमा हाईमाष्ट लाइट जडानको शुभारम्भ भएकोमा थप सडक पनि शिलान्यास भएको छ । चालू आर्थिक वर्षमा कारकाँदोमा ११ वटा पिसीसी सडक र ३ वटा कालोपत्रे सडकको निर्माण सम्पन्न भइसकेको छ । बाँकी सडकहरु पनि ठेक्का प्रक्रियामा रहेको उनले बताए ।

चालू आवमा वडाभित्रका विपन्न, दलित तथा मधेसी समुदायका लागि धारा जडान तथा सौर्य सोलार प्यानल जडान कार्य तिव्ररुपमा अघि बढेको वडा कार्यालयले जनाएको छ । सो अवसरमा टोलबासीका तर्फबाट विकास निर्माणमा नेतृत्वदायी भूमिका निर्वाह गरेको भन्दै वडा अध्यक्ष वर्मा र सदस्य दिग्विजय ढुंगानालाई सम्मान समेत गरिएको छ ।

प्रकाशित मिति: बिहीबार, माघ ६, २०७८ ११:४४

प्रतिक्रिया दिनुहोस्