बाँके ट्राफिकद्वारा सवारी चालकहरुलाई मास्क वितरण

स्थानीय

गृहपृष्ठ
स्थानीय
बाँके ट्राफिकद्वारा सवारी चालकहरुलाई मास्क वितरण

बाँके ट्राफिकद्वारा सवारी चालकहरुलाई मास्क वितरण

शनिबार, माघ ८, २०७८ बागेश्वरी पोस्ट

नेपालगन्ज । जिल्ला ट्राफिक प्रहरी कार्यालय बाँकेले सवारी चालकहरुलाई मास्क वितरण गरेको छ ।

जिल्ला प्रहरी बाँकेले बढिरहेको कोरोना संक्रमणलाई मध्यनजर गर्दै नेपालगन्जका विभिन्न स्थानमा मास्क वितरण गरेको हो । जिल्ला ट्राफिक कार्यालय कोहलपुरबाट निमित्त कार्यालय प्रमुख प्रहरी नायब निरीक्षक सिद्धिगणेश शाहको नेतृत्वमा आएको टोली र नेपालगन्ज ट्राफिक पोस्टका इन्चार्ज प्रहरी नायब निरीक्षक लक्ष्मण ऐर सहितको टोलीले शुक्रबार र शनिबार सवारीसाधनका चालक तथा सह-चालकहरुलाई मास्क वितरण गरेको हो ।

मास्क वितरणका क्रममा बाँके ट्राफिकले कोरोनाबारे जनचेतना समेत दिएको थियो । बाँकेमा कोरोना संक्रमण दर बढ्दै गएपछि ट्राफिक प्रहरीले कोरोनाबारे जनचेतनामूलक सन्देश दिँदै दिनहुँ माइकिङ समेत गर्दै आएको छ । बाँकेमा दिनहुँ कोरोना संक्रमण दर बढिरहेको छ ।
No description available.