नेपालगन्जबाट पौने ३ लाख रुपैयाँ बराबरका अवैध सामग्री बरामद

स्थानीय

गृहपृष्ठ
स्थानीय
नेपालगन्जबाट पौने ३ लाख रुपैयाँ बराबरका अवैध सामग्री बरामद

नेपालगन्जबाट पौने ३ लाख रुपैयाँ बराबरका अवैध सामग्री बरामद

मंगलबार, माघ ११, २०७८ बागेश्वरी पोस्ट

नेपालगन्ज । जिल्ला प्रहरी बाँकेले भन्सार छली गरेर ल्याइएका लाखौं मुल्य बराबरका अवैध सामाग्री बरामद गरेको छ ।

जिल्ला प्रहरी कार्यालय बाँकेबाट प्रहरी सहायक निरीक्षक बिबेक अधिकारीको कमान्डमा खटिएको टोलीले नेपालगन्ज १० ट्राफिक चोकबाट सोमबार साँझ भन्सार छली गरेर ल्याउँदै गरिएका पौने ३ लाख रुपैयाँ बराबरका अवैध सामाग्री बरामद गरेको हो ।

प्रहरीका अनुसार बरामद गरिएका अवैध सामाग्रीहरुमा १ लाख २० हजार रुपैयाँ बराबरका रुमाल, ७५ हजार रुपैयाँ बराबरका लेडिज लुङ्गी, ४५ हजार रुपैयाँ बराबरका लेडिज कुर्ती, २० हजार रुपैयाँको अण्डरवेयर, ९ हजार रुपैयाँ बराबरको चिनी र ९ हजार रुपैयाँ बराबरका लेडिज सुट रहेका छन् ।

बरामद गरिएका २ लाख ७८ हजार रुपैयाँका सबै अवैध सामाग्रीलाई नेपालगन्ज भन्सार कार्यालय पठाइएको जिल्ला प्रहरी बाँकेले जानकारी दिएको छ ।

प्रकाशित मिति: मंगलबार, माघ ११, २०७८ १०:५७

प्रतिक्रिया दिनुहोस्