सशस्त्रका एसपी बस्नेतको बाँकेका सिमा नाकामा कडा निगरानी

स्थानीय

गृहपृष्ठ
स्थानीय
सशस्त्रका एसपी बस्नेतको बाँकेका सिमा नाकामा कडा निगरानी

सशस्त्रका एसपी बस्नेतको बाँकेका सिमा नाकामा कडा निगरानी

धमाधम बरामद हुँदै अवैध सामाग्री

मंगलबार, माघ ११, २०७८ बागेश्वरी पोस्ट

नेपालगन्ज । सशस्त्र प्रहरी बाँकेको कमान्ड सम्हालेको केही दिनमै सशस्त्र प्रहरी उपरीक्षक (एसपी) जनक बस्नेत तस्करीविरुद्ध खरोरुपमा उत्रिएका छन् ।

माघ ३ गते सशस्त्र प्रहरी बल नम्बर ३० गण बागेश्वरी बाँकेको कमान्ड सम्हालेको भोलिपल्ट देखि नै एसपी बस्नेतले सिमातिर कडा निगरानी बढाउँदै बाँकेभरका सबै बिओपीहरुमा निरीक्षण गर्दै सिमा नाकामा हुने अवैध गतिविधि विरुद्ध सशक्तरुपमा उत्रन निर्देशन दिएका छन् । साथै एसपी बस्नेतले बिओपी इन्चार्जहरुलाई तस्करी विरुद्ध खरो उत्रिन समेत निर्देशन दिएका छन् ।

सदाझैं तस्करी नियन्त्रण तथा सिमा नाकामा हुने अवैध गतिविधिविरुद्ध उत्रेका बाँकेका कटकुइँया, नरैनापुर, गंगापुर, खडैंचा, कालाबन्जार, जमुनाह, जयसपुर र बढैया बिओपीहरुले सशस्त्र प्रहरी बाँकेका कमान्डर बस्नेतको निर्देशन अनुसार धमाधम अवैध सामाग्री बरामद गरिरहेका छन् ।

No description available. एसपी बस्नेतले तस्करी नियन्त्रण गर्न दिएको कडा निर्देशन पश्चात् आज बिहान मात्रै सशस्त्र प्रहरीले ठूलो परिमाणमा भन्सार छली गरी ल्याइएका लाखौं रुपैयाँ बराबरका अवैध सामग्री बरामद गरेको छ । आज बिहान ४ बजे नेपालगन्ज १७ परसपुरबाट सशस्त्र प्रहरी बल नम्बर ३० गणबाट सशस्त्र प्रहरी सहायक निरीक्षक तिलक मन्दिर मगरको कमान्डमा गएको टोलीले २ लाख बढी रुपैयाँ बराबरका अवैध सामग्री बरामद गरेको छ भने जयसपुर बिओपीबाट सशस्त्र प्रहरी नायब निरीक्षक हरिजित महतको कमान्डको टोलीले नेपालगन्ज १६ जयसपुरबाट ८६ हजार रुपैयाँ बराबरका थानको कपडा, ४७ पिस कुर्ता बरामद गरेको एसपी बस्नेतले जानकारी दिएका छन् ।

बरामद गरिएका अवैध सामग्रीहरुमा ४ क्विन्टल चिनी, १५ क्विन्टल हरिया केराउ, लत्ताकपडा, सुर्तीजन्य पदार्थ लगायत किराना बस्तुहरुलाई नेपालगन्ज भन्सार कार्यालय बुझाइएको एसपी बस्नेतले बताए ।

प्रकाशित मिति: मंगलबार, माघ ११, २०७८ १८:०२

प्रतिक्रिया दिनुहोस्