कर्मचारीहरुलाई कोरोना संक्रमण भएपछि राप्तीसोनारी गाउँपालिका बन्द

स्थानीय

गृहपृष्ठ
स्थानीय
कर्मचारीहरुलाई कोरोना संक्रमण भएपछि राप्तीसोनारी गाउँपालिका बन्द

कर्मचारीहरुलाई कोरोना संक्रमण भएपछि राप्तीसोनारी गाउँपालिका बन्द

बुधबार, माघ १२, २०७८ बागेश्वरी पोस्ट

नेपालगन्ज । कोभिड संक्रमण तीब्र गतिमा बढेपछि बाँकेको राप्तीसोनारी गाउँपालिकाले सबै सेवा बन्द गरेको छ । राप्तीसोनारी गाउँपालिकाले एक सूचना निकालेर आजदेखि माघ १५ गतेसम्मका लागि अत्यावश्यक बाहेक सबै सेवा हाललाई स्थगन गरेको जनाएको छ ।

कार्यालयमा कार्यरत कर्मचारीहरुमा नियमित कार्य सम्पादनको क्रममा कोरोना संक्रमण भएकाले सेवाग्राहीलाई समेत कार्यालयबाटै कोरोना फैलिन सक्ने जोखिमलाई मध्यनजर गर्दै कार्यालयबाट सम्पादन हुने अत्यावश्यक बाहेक सबै सेवा बन्द गरिएको प्रमुख प्रशासकीय अधिकृत लोकबहादुर शाहीले जानकारी दिएका छन् । गाउँपालिका कार्यालयमा लेखा अधिकृत गौरव लामिछानेसहित धेरैलाई कोरोना संक्रमण भएकाले लेखा शाखा समेत बन्द गरिएको छ ।

साथै अत्यावश्यक सेवा लिन आउने सेवाग्राहीलाई स्वास्थ्य मापदण्डको पालना गर्दै कोभिड विरुद्ध खोप लगाएको कार्ड (मोबाइलमा फोटो भएपनि हुने) लिएर आउन आग्रह पनि गरिएको छ ।

प्रकाशित मिति: बुधबार, माघ १२, २०७८ ११:४१

प्रतिक्रिया दिनुहोस्