जयसपुर प्रहरी प्रमुख सिंहले धमाधम ब्राउनसुगर कारोबारी पक्राउ गर्दै

सुरक्षा-अपराध

गृहपृष्ठ
सुरक्षा-अपराध
जयसपुर प्रहरी प्रमुख सिंहले धमाधम ब्राउनसुगर कारोबारी पक्राउ गर्दै

जयसपुर प्रहरी प्रमुख सिंहले धमाधम ब्राउनसुगर कारोबारी पक्राउ गर्दै

गएराती पुन:एक जना पक्राउ

शुक्रबार, माघ १४, २०७८ बागेश्वरी पोस्ट

नेपालगन्ज । सिमा प्रहरी चौकी जयसपुर नेपालगन्जका प्रमुख प्रहरी नायब निरीक्षक राजकुमार सिंहले लागूऔषध कारोबारीलाई धमाधम पक्राउ गर्दै आएका छन् । लागूऔषध कारोबारीहरुलाई पक्राउ गर्दै जाने क्रममा फेरि जयसपुरबाट उनको टोलीले ब्राउनसुगरसहित एक जनालाई पक्राउ गरेको छ ।

जयसपुर प्रहरी चौकीबाट प्रहरी नायब निरीक्षक राजकुमार सिंहको कमान्डमा खटिएको टोली र लागूऔषध नियन्त्रणमा व्युरोको टोलीले नेपालगन्ज १६ जयसपुर चोकबाट सोही स्थानका २४ बर्षीय अस्फाक अन्सारीलाई १९ ग्राम ब्राउनसुगरसहित पक्राउ गरेको जिल्ला प्रहरी कार्यालय बाँकेले जानकारी दिएको छ ।

प्रहरी नायब निरीक्षक सिंहको टोलीले गएराती पौने ९ बजे शंकास्पद तरिकाले हिँडिरहेको अवस्थामा चेकजाँच गर्दा अन्सारीको साथबाट १९ ग्राम ब्राउनसुगर फेला परेको जिल्ला प्रहरी बाँकेले जनाएको छ ।

पक्राउ परेका अन्सारीसँँग लागूऔषध कसुरमा थप अनुसन्धान भइरहेको बाँके प्रहरीले जानकारी दिएको छ । स्मरणरहोस: जयसपुर प्रहरी प्रमुख सिंहको कमान्डको टोलीले केही दिन अघि मात्र ब्राउनसुगर र पौने २ लाख रुपैयाँसहित ३ जनालाई पक्राउ गरेको थियो ।

प्रकाशित मिति: शुक्रबार, माघ १४, २०७८ ०९:१३

प्रतिक्रिया दिनुहोस्