वडा प्रहरी नेपालगन्जले चोरी भएको मोटरसाइकल फेला पारी सवारीधनीलाई बुझायो

सुरक्षा-अपराध

गृहपृष्ठ
सुरक्षा-अपराध
वडा प्रहरी नेपालगन्जले चोरी भएको मोटरसाइकल फेला पारी सवारीधनीलाई बुझायो

वडा प्रहरी नेपालगन्जले चोरी भएको मोटरसाइकल फेला पारी सवारीधनीलाई बुझायो

सोमबार, माघ १७, २०७८ बागेश्वरी पोस्ट

नेपालगन्ज । वडा प्रहरी कार्यालय नेपालगन्जले चोरी भएको मोटरसाइकल फेला पारेर सम्बन्धित सवारीधनीलाई बुझाएको छ ।

राप्तीसोनारी गाउँपालिका ८ घर भई हाल नेपालगन्ज ४ बस्दै आएका तुलाराम खत्रीको यही माघ १४ गते बसपार्क नजिक रहेको होटेल दाजुभाईमा पार्किङ गरिराखेको भे. ९ प ४८६१ नम्बरको मोटरसाइकल चोरी भएको थियो ।

मोटरसाइकल चोरी भएको सूचना पाएपश्चात् वडा प्रहरी कार्यालय नेपालगन्जबाट खटिएको टोलीले उक्त मोटरसाइकललाई हिजो नेपालगन्ज १८ सुर्जीगाउँ जाने बाटोमा वेवारिसे अवस्थामा फेला पारेको जिल्ला प्रहरी कार्यालय बाँकेले जानकारी दिएको छ ।

फेला पारिएको उक्त भे ९ प ४८६१ नम्बरको मोटरसाइकललाई आज बिहान वडा प्रहरी कार्यालय नेपालगन्जले सवारीधनी खत्रीलाई हस्तान्तरण गरेको जिल्ला प्रहरीले जनाएको छ ।

प्रकाशित मिति: सोमबार, माघ १७, २०७८ १२:००

प्रतिक्रिया दिनुहोस्