लखनऊमा बालश्रमिक रहेका २ नेपाली बालकलाई नेपालगन्ज ल्याइयो

सुरक्षा-अपराध

गृहपृष्ठ
सुरक्षा-अपराध
लखनऊमा बालश्रमिक रहेका २ नेपाली बालकलाई नेपालगन्ज ल्याइयो

लखनऊमा बालश्रमिक रहेका २ नेपाली बालकलाई नेपालगन्ज ल्याइयो

बुधबार, माघ १९, २०७८ बागेश्वरी पोस्ट

नेपालगन्ज । भारतको लखनउ शहरमा रहेका दुई जना नेपाली बालश्रमिकहरुलाई उद्दार गरी नेपालगन्ज ल्याइएको छ ।

इलाका प्रहरी कार्यालय जमुनाहको समन्वयमा श्री एन्जल्स जयसपुर बाँके र दिहात संस्था रुपईडिहा भारतको सक्रियतामा गढीमाइ नगरपालिका ७ रौतहट घर भएका १७ बर्षीय बालक इब्रान शेख र अवलसिङ सुर्खेतका १६ बर्षीय बिकास थापालाई उद्दार गरेको जिल्ला प्रहरी बाँके प्रमुख एसपी श्यामकृष्ण अधिकारीले जानकारी दिएका छन् ।

इलाका प्रहरी जमुनाहको समन्वयमा श्री एन्जल्स जयसपुर बाँकेका फारुकद्दिन अन्सारीको पहलमा दिहात संस्था रुपईडिहको सहकार्यमा समाजसेवी अन्सारीले लखनऊ गएर दुबै बालश्रमिक बालकहरुलाई नेपालगन्ज ल्याएको एसपी अधिकारीले बताए ।

उद्दार गरी इलाका प्रहरी जमुनाह नेपालगन्ज ल्याइएका दुबै बालकहरुलाई पुनर्स्थापनाका लागि नेपालगन्जमा रहेको सिविन नेपाल बाँकेको जिम्मा लगाइएको एसपी अधिकारीले बताए ।

उद्दार गरिएका दुबै बालकहरु लामो समयदेखि भारतको लखनऊमा बालश्रमिकको रुपमा कार्य गर्दै आएका थिए । सुर्खेत घर भएका थापा बिगत सात बर्षदेखि लखनऊमा बालश्रमिकको रुपमा बस्दै आएका थिए।

प्रकाशित मिति: बुधबार, माघ १९, २०७८ १४:२१

प्रतिक्रिया दिनुहोस्