बाँकेको राप्तीसोनारी स्काभेटर आगजनी घटनाप्रति कोहलपुर कांग्रेसको घोर आपत्ति

सुरक्षा-अपराध

गृहपृष्ठ
सुरक्षा-अपराध
बाँकेको राप्तीसोनारी स्काभेटर आगजनी घटनाप्रति कोहलपुर कांग्रेसको घोर आपत्ति

बाँकेको राप्तीसोनारी स्काभेटर आगजनी घटनाप्रति कोहलपुर कांग्रेसको घोर आपत्ति

घटनालाई हल्कारुपमा लिए कडा आन्दोलनको चेतावनी

शनिबार, माघ २२, २०७८ बागेश्वरी पोस्ट

नेपालगन्ज । बाँकेको राप्तीसोनारी गाउँपालिकामा स्काभेटर आगजनी घटनाप्रति नेपाली कांग्रेस कोहलपुर नगर समितिले घोर आपत्ति प्रकट गरेको छ ।

नेपाली कांग्रेसका क्षेत्रीय प्रतिनिधि एबम् नेपाल तरुण दल कोहलपुरका उपाध्यक्ष गौरव रावलको स्काभेटरमा आगजनी गरिएको घटनाप्रति एक बिज्ञप्ति जारी गर्दै नेपाली कांग्रेस कोहलपुर नगर समितिले घोर आपत्ति प्रकट गरेको हो ।

नेपाली कांग्रेस कोहलपुरले रावलको भे १ क ११११ नम्बरको स्काभेटरलाई माघ १८ गते राती राप्तीसोनारी गाउँपालिका वडा नम्बर २ मसुरी बगरको लामाचौरमा आगजनी घटनामा संलग्न जो कोही भएपनि तत्काल पक्राउ गरी कारबाही गर्न माग गरेको छ । घटनाको निन्दा गर्दै प्रहरीले यथाशिघ्र अनुसन्धान गरेर दोषी पत्ता लगाई कारबाही गर्न कोहलपुर कांग्रेसले माग गरेको छ ।

प्रहरी प्रशासनले आगजनी घटनालाई सामान्य रुपमा लिएर दबाउन खोजेमा कडा आन्दोलन चालिने कोहलपुर कांग्रेस नगर सचिव गोबिन्द वाग्लेद्वारा जारी बिज्ञप्ति मार्फत् जनाइएको छ ।