पत्रकार भन्दै प्रहरीलाई धम्क्याएर १० हजार माग्ने मनोज तमौली पक्राउ

सुरक्षा-अपराध

गृहपृष्ठ
सुरक्षा-अपराध
पत्रकार भन्दै प्रहरीलाई धम्क्याएर १० हजार माग्ने मनोज तमौली पक्राउ

पत्रकार भन्दै प्रहरीलाई धम्क्याएर १० हजार माग्ने मनोज तमौली पक्राउ

शनिबार, माघ २२, २०७८ बागेश्वरी पोस्ट

नेपालगन्ज । नेपालगन्जको जमुनाह नाकाबाट प्रहरीलाई धम्क्याउँदै रकम असुल्न खोज्ने एक जना आफूलाई पत्रकार बताउने मनोज तमौली पक्राउ परेका छन् ।

रकम असुल्न ड्युटीमा खटिएका प्रहरीको भिडियो बनाएर तर्साउँदै १० हजार रुपैयाँ माग्ने तमौलीलाई आज दिउँसो प्रहरीले जमुनाहबाट पक्राउ गरेको जिल्ला प्रहरी कार्यालय बाँकेले जानकारी दिएको छ ।

भन्सार सुरक्षा गार्डमा खटिएका एक जना प्रहरी हवल्दारको भिडियो आफूसँग रहेको हुँदा १० हजार रुपैयाँ दिनुपर्ने नत्र भिडियो सार्बजनिक गरिदिने भन्दै धम्की दिएपछि तमौलीलाई पक्राउ गरिएको हो ।

पक्राउ परेका तमौलीले यसअघि पनि जमुनाह तथा नेपालगन्ज भन्सार कार्यालय आसपास गएर आफू वरिष्ठ पत्रकार रहेको भन्दै प्रहरीलाई अनाहकमा दु:ख दिने गरेको प्रहरी बताएको छ । प्रहरीलाई धम्क्याएर रकम असुली गर्न खोजेको आरोपमा तमौलीलाई पक्राउ गरी आबश्यक अनुसन्धान भइरहेको जिल्ला प्रहरी बाँकेले जानकारी दिएको छ ।

प्रकाशित मिति: शनिबार, माघ २२, २०७८ १६:४६