नक्कली पेस्तोल र खुँडासहित तुलसीपुरका ७ युवा पक्राउ

सुरक्षा-अपराध

गृहपृष्ठ
सुरक्षा-अपराध
नक्कली पेस्तोल र खुँडासहित तुलसीपुरका ७ युवा पक्राउ

नक्कली पेस्तोल र खुँडासहित तुलसीपुरका ७ युवा पक्राउ

आइतबार, माघ २३, २०७८ बागेश्वरी पोस्ट

तुलसीपुर । नक्कली पेस्तोल र खुँडासहित इलाका प्रहरी कार्यालय तुलसीपुरले सात युवा पक्राउ गरेको छ ।

रातको समयमा खाली जमिनमा आगो बालेर होहल्ला गरी पेस्तोल र हातहतियार देखाउँदै सर्वसाधारणलाई आतंकित पारेको सूचनाका आधारमा पुगेको प्रहरीले उनीहरुलाई आज (आइतबार) बिहान ५ बजे तुलसीपुर उपमहानगरपालिका वडा नं. ३ भिउडहरबाट नियन्त्रणमा लिएको जिल्ला प्रहरी प्रमुख एसपी सुरेश काफ्लेले बताए ।

पक्राउ पर्नेमा तुलसीपुर उपमहानगरपालिका वडा नं. ९ का २५ बर्षीय सन्तोष बस्याल, सोही ठाउँका १८ बर्षीय मनोज बिक, २३ बर्षीय पोषण वली, १८ बर्षीय बिवेक बस्नेत, २१ बर्षीय अनिल मियाँ, १८ बर्षीय मोहन बस्नेत र तुलसीपुर ६ का २१ बर्षीय केतु वली रहेको प्रहरी कार्यालय तुलसीपुरका प्रमुख डिएसपी श्यामु अर्यालले बताए ।

उनीहरुको साथबाट मेड इन चाइना लेखेको नक्कली पेस्तोल एक थान, रातो कभर भएको खुँडा एक थान, बञ्चरो एक थान र हँसिया तीन थान बरामद भएको डिएसपी अर्यालले जानकारी दिए ।

‘यो लुटपाट गर्ने समुह हो कि ? भन्ने आशंका भइरहेको छ,’ एसपी काफ्लेले भने-‘उनीहरुले भिउडहरस्थित खाली गोठमा ती सामानहरु राखेर आतंका सृजना गर्दै आएको खुलेको छ ।’

घटनाबारे थप अनुसन्धान जारी रहेको प्रहरीले जनाएको छ ।

प्रकाशित मिति: आइतबार, माघ २३, २०७८ १५:३२

प्रतिक्रिया दिनुहोस्