जमुनाह नाकाबाट ब्राउन सुगरसहित एक युवक पक्राउ

सुरक्षा-अपराध

गृहपृष्ठ
सुरक्षा-अपराध
जमुनाह नाकाबाट ब्राउन सुगरसहित एक युवक पक्राउ

जमुनाह नाकाबाट ब्राउन सुगरसहित एक युवक पक्राउ

शुक्रबार, माघ २८, २०७८ बागेश्वरी पोस्ट

नेपालगन्ज । इलाका प्रहरी कार्यालय जमुनाहले लागूऔषधसहित एक जनालाई नेपालगन्ज नाकाबाट पक्राउ गरेको छ ।

रुपइडिहाबाट नेपालगन्जतर्फ आउँदै गरेका कोहलपुर ५ रझेनाका २२ बर्षीय सनिस केसीले मुखभित्र ब्राउन सुगर लुकाएर ल्याउँदै गरेको अवस्थामा इलाका प्रहरी कार्यालय जमुनाहका इन्चार्ज प्रहरी नायब निरीक्षक मीन बहादुर बिष्टको कमान्डको टोलीले पक्राउ गरेको जिल्ला प्रहरी कार्यालय बाँकेले जनाएको छ ।

बिहिवार साँझ रुपइडिहाबाट जमुनाह नाका हुँदै नेपालगन्जतर्फ आउन लागेका केसीलाई शंका लागेर चेकजाँच गर्दा मुखभित्र ३ ग्राम ब्राउन सुगर लुकाएर ल्याएको अवस्थामा प्रहरी नायब निरीक्षक बिष्टको टोलीले उनलाई पक्राउ गरेको हो ।

पक्राउ परेका केसीलाई हिरासतमा लिएर लागूऔषध कसुरमा थप आबश्यक अनुसन्धान भइरहेको जिल्ला प्रहरी कार्यालय बाँकेले जनाएको छ ।

प्रकाशित मिति: शुक्रबार, माघ २८, २०७८ ०९:५५