नेपालगन्जको चौलिकाबाट १५० ग्राम ब्राउन सुगरसहित विसी पक्राउ

सुरक्षा-अपराध

गृहपृष्ठ
सुरक्षा-अपराध
नेपालगन्जको चौलिकाबाट १५० ग्राम ब्राउन सुगरसहित विसी पक्राउ

नेपालगन्जको चौलिकाबाट १५० ग्राम ब्राउन सुगरसहित विसी पक्राउ

ब्राउन सुगर ओसारपसारमा ठूलै गिरोह भएको आशंका

मंगलबार, फागुन १०, २०७८ बागेश्वरी पोस्ट

नेपालगन्ज । जिल्ला प्रहरी कार्यालय बाँकेले ठूलो परिमाणमा लागूऔषधसहित एक जनालाई पक्राउ गरेको छ । जिल्ला प्रहरी बाँकेबाट खटिएको टोलीले आज बिहान साढे ५ बजे शंकास्पद रुपमा हिँडिरहेको अवस्थामा बढैयाताल गाउँपालिका १ शान्तिपुर बर्दियाका २४ बर्षीय प्रविन विसीलाई नेपालगन्ज १६ चौलिका चोकबाट पक्राउ गरेको जिल्ला प्रहरी बाँकेका प्रवक्ता प्रहरी नायब उपरीक्षक मधुसुदन न्यौपानेले जानकारी दिएका छन् ।

पक्राउ परेका विसीसँग १५० ग्राम ब्राउन सुगर र भारतीय ३ हजार रुपैयाँ बरामद गरिएको छ । विसीले भारतको रुपइडिया गएर भारतीय व्यक्तिसँग नगद ४ लाख रुपैयाँमा ब्राउन सुगर खरिद गरी नेपालगन्ज लिएर आएको प्रारम्भिक अनुसन्धानबाट खुल्न आएको प्रवक्ता न्यौपानेले जानकारी दिएका छन् ।

त्यस्तै विसीले ब्राउन सुगरलाई सडक मार्ग प्रयोग गरी काठमाण्डौ लैजाने उद्देश्यले एकाबिहानै नेपालगन्ज लिएर आएको समेत खुल्न आएको छ । अनुसन्धानका क्रममा विसीको बयान अनुसार उक्त ब्राउन सुगर ओसारपसारमा जिल्ला बाहिरका अन्य व्यक्तिको समेत संलग्नता रहेकाले अन्य जिल्लासँग समन्वय गरी उनीहरुको खोजतलास सुरु गरिएको प्रवक्ता न्यौपानेले बताए ।

विसीले बिगत एक १ बर्षदेखि लागूऔषध सेवन तथा कारोबार गर्दै आएको समेत खुल्न आएको छ । पक्राउ परेका विसीसँग लागूऔषध कसुरमा थप अनुसन्धान भइरहेको र यो गिरोहलाई पक्राउ गर्न बिशेष कदम चालिएको प्रवक्ता न्यौपानेले जानकारी दिएका छन् ।

प्रकाशित मिति: मंगलबार, फागुन १०, २०७८ १४:२८

प्रतिक्रिया दिनुहोस्