सशस्त्र प्रहरीद्वारा नेपालगन्जको पिप्रहवाबाट लाखौं रुपैयाँका अवैध लत्ताकपडा बरामद

सुरक्षा-अपराध

गृहपृष्ठ
सुरक्षा-अपराध
सशस्त्र प्रहरीद्वारा नेपालगन्जको पिप्रहवाबाट लाखौं रुपैयाँका अवैध लत्ताकपडा बरामद

सशस्त्र प्रहरीद्वारा नेपालगन्जको पिप्रहवाबाट लाखौं रुपैयाँका अवैध लत्ताकपडा बरामद

आइतबार, फागुन १५, २०७८ बागेश्वरी पोस्ट

नेपालगन्ज । सशस्त्र प्रहरीले नेपालगन्ज नाकाबाट लाखौं रुपैयाँ बराबरका अवैध लत्ताकपडा बरामद गरेको छ ।

सशस्त्र प्रहरी बल नम्बर ३० गण बागेश्वरी बाँकेबाट सशस्त्र प्रहरी सहायक निरीक्षक तिर्थ भाटको कमान्डमा गएको टोलीले आज बिहान ४ बजे नेपालगन्ज १५ पिप्रहवा नाकाबाट अवैध समाग्री बरामद गरेको सशस्त्र प्रहरी बल नम्बर ३० गण बागेश्वरी बाँकेले जानकारी दिएको छ ।

ठूलो परिमाणमा लाखौं रुपैयाँ बराबरको लत्ताकपडा भारतबाट भन्सार छली गरी नेपालगन्ज ल्याइँदै गरेको बिशेष सूचनाका आधारमा गएको सशस्त्र प्रहरी सहायक निरीक्षक भाटको कमान्डमा गएको टोलीले २ लाख ७२ हजार ३८० रुपैयाँ बराबरका अवैध लत्ताकपडा बरामद गरेको सशस्त्र प्रहरीले जनाएको छ ।

सशस्त्र प्रहरीका अनुसार बरामद गरिएका लत्ताकपडामा लेडिज सुट, लेडिज साडी, नेटको थानको कपडा , थानको कपडा , जेन्ट्स अन्डरवेयर रहेका छन् । बरामद गरिएका सबै अवैध लत्ताकपडालाई आजै आबश्यक कारबाहीका लागि नेपालगन्ज भन्सार कार्यालय बुझाइएको सशस्त्र प्रहरी बल नम्बर ३० गण बागेश्वरी बाँकेले जानकारी दिएको छ ।

प्रकाशित मिति: आइतबार, फागुन १५, २०७८ १५:०३

प्रतिक्रिया दिनुहोस्