बलात्कारको आरोपमा पक्राउ परेका बानियाँको सांसद पद जाँदै

सुरक्षा-अपराध

गृहपृष्ठ
सुरक्षा-अपराध
बलात्कारको आरोपमा पक्राउ परेका बानियाँको सांसद पद जाँदै

बलात्कारको आरोपमा पक्राउ परेका बानियाँको सांसद पद जाँदै

मंगलबार, फागुन १७, २०७८ बागेश्वरी पोस्ट

नेपालगन्ज । नेपालगन्ज विमानस्थलबाट बलात्कारको आरोपमा सोमबार पक्राउ परेका नेकपा (एमाले) का सांसद मोहन बानियाँको सांसद पद जाने भएको छ ।

‘माननीयज्यू पक्राउ परेको खबर आएको छ, औपचारिक जानकारी आएपछि संघीय संसदले उहाँको पद निलम्बनमा परेको जानकारी दिनेछ,’ प्रवक्ता रोजनाथ पाण्डेले जानकारी दिएका छन् । पाण्डेका अनुसार संसदको आगमी बैठकमा सांसद बानियाँको पद निलम्बनमा परेको जानकारी दिइनेछ । मुगुबाट निर्वाचित बानियाँ निलम्बनमा परेसँगै संघीय संसदमा एमालेका एक सांसदको संख्या घट्नेछ ।

जुम्लाकी महिलाको बलात्कारको उजुरीको आधारमा सांसद बानियाँ पक्राउ परेका हुन् । १८ माघमा २५ लाख रुपैयाँ दिन्छु भन्दै होटलमा बोलाएको तर पैसा नदिई उल्टै बलात्कार गरेको भन्दै शिक्षक शाहीले गत २७ माघमा उजुरी दिएकी थिइन् । सो उजुरीपछि पक्राउको आदेश लिए पनि लामो समय फरार रहेका बानियाँलाई नेपालगन्ज विमानस्थलबाट नियन्त्रण लिइएको बाँकेका डिएसपी मधुसुदन न्यौपानेले जानकारी दिए ।

जिल्ला प्रहरी कार्यालय बाँकेको हिरासतमा रहेका सांसद बानियाँलाई भोलि अदालतमा म्याद थपका लागि लगिनेछ ।

प्रकाशित मिति: मंगलबार, फागुन १७, २०७८ १८:४४