मामाको पसलमा बसेका भान्जामाथि गोली प्रहार

सुरक्षा-अपराध

गृहपृष्ठ
सुरक्षा-अपराध
मामाको पसलमा बसेका भान्जामाथि गोली प्रहार

मामाको पसलमा बसेका भान्जामाथि गोली प्रहार

आइतबार, फागुन २२, २०७८ बागेश्वरी पोस्ट

नेपालगन्ज । मामाको पसलमा बसेका एक जना युवकमाथि गोली प्रहार भएको छ । १८ वर्षीय मुकेश मुखियालाई शनिबार राती गोली प्रहार गरिएको हो । मुकेशको घाँटीमा गोली लागेको छ।

गोली घाँटीमै अड्किएपछि उनी गम्भीर घाइते भएका छन् । गोली घाँटीमै अड्किएर गम्भीर घाइते भएका मुकेशलाई उपचारका लागि राती नै काठमाडौं पठाइएको धनुषाका प्रहरी उपरीक्षक वसन्त रजौरेले बताए ।

कमला नगरपालिका वडा नम्बर ७ घर भएका मुकेश बेंगाशिवपुरमा आफ्नो मामा भोगी मुखियाको घरमा बस्ने गरेका थिए । मामाको किराना पसलमा शनिवार राती आएका स्थानीयसँग कुराकानी गरिरहेका बेला मुकेशलाई गोली हानिएको प्रहरीले जानकारी दिए ।

प्रहरीका अनुसार घटनास्थलबाट पेस्तोल बरामद गरिएको छ । गोली हान्ने व्यक्ति पनि पहिचान भइसकेको उपरीक्षक रजौरेले जानकारी दिए । घटनाबारे थप अनुसन्धान भइरहेको उनले बताए ।

प्रकाशित मिति: आइतबार, फागुन २२, २०७८ १४:२८

प्रतिक्रिया दिनुहोस्