नेपालगन्जको जयसपुरबाट मोटरसाइकल चोरी गर्ने व्यक्तिसहित मोटरसाइकल नियन्त्रणमा

सुरक्षा-अपराध

गृहपृष्ठ
सुरक्षा-अपराध
नेपालगन्जको जयसपुरबाट मोटरसाइकल चोरी गर्ने व्यक्तिसहित मोटरसाइकल नियन्त्रणमा

नेपालगन्जको जयसपुरबाट मोटरसाइकल चोरी गर्ने व्यक्तिसहित मोटरसाइकल नियन्त्रणमा

सोमबार, फागुन २३, २०७८ बागेश्वरी पोस्ट

नेपालगन्ज । बाँके प्रहरीको लामो समयदेखि निगरानीमा रहेका मोटरसाइकल चोरी गर्ने गिरोहका एक जना सदस्यसहित चोरीको मोटरसाइकललाई जिल्ला प्रहरी बाँकेले नियन्त्रणमा लिएको छ ।

जिल्ला प्रहरी बाँकेबाट सादा पोशाकमा खटिएका प्रहरी सहायक निरीक्षक बिबेक अधिकारीको कमान्डको टोलीले सोमबार बिहान नेपालगन्ज १६ जयसपुरबाट एउटा चोरीको मोटरसाइकलसहित सलमान अन्सारीलाई पक्राउ गरेको जिल्ला प्रहरी कार्यालय बाँकेले जानकारी दिएको छ ।

चोरी भएका मोटरसाइकल खोजतलास गर्ने क्रममा प्रहरी सहायक निरीक्षक अधिकारीसहितको टोलीले नम्बर प्लेट नभएको युनिकर्न मोटरसाइकलसहित अन्सारीलाई पक्राउ गरेको हो । पहिलादेखि शंकास्पद रुपमा रहँदै आएका अन्सारीलाई बिगत एक महिनादेखि निगरानी गर्दै आएको बाँके प्रहरी सोमबार बिहान ९ बजे मोटरसाइकलसहित पक्राउ गर्न सफल भएको हो ।

नम्बर उल्लेख नभएको नियन्त्रणमा लिइएको मोटरसाइकल र पक्राउ परेका अन्सारीलाई जिल्ला प्रहरी कार्यालय बाँकेमा बुझाइएको छ । चोरी भएको मोटरसाइकलमा नम्बर नराखिएको अवस्थामा पाइएपनि चेचिस नम्बरको आधारमा अनुसन्धान गरी सम्बन्धित सवारीधनीलाई बुझाइने जिल्ला प्रहरी बाँकेले जानकारी दिएको छ ।

बाँके प्रहरीका अनुसार पक्राउ परेका अन्सारीसँग थप अनुसन्धान भइरहेको जनाएको छ । आइतबार दिउँसो मात्र बाँके प्रहरी अन्तर्गत् रहेको प्रहरी चौकी राधापुरका इन्चार्ज प्रहरी नायब निरीक्षक रबिन्द्र बहादुर बमको कमान्डको टोलीले खजुरा गाउँपालिका १ बहादुरपुरबाट ९० ग्राम ब्राउन सुगर र स्वाचालित पेस्तोलसहित तीन जनालाई पक्राउ गरेको थियो ।

प्रकाशित मिति: सोमबार, फागुन २३, २०७८ १०:१३

प्रतिक्रिया दिनुहोस्