नेपालगन्जका पत्रकार गजेन्द्र गुरुङ पुरस्कृत

समाचार

गृहपृष्ठ
समाचार
नेपालगन्जका पत्रकार गजेन्द्र गुरुङ पुरस्कृत

नेपालगन्जका पत्रकार गजेन्द्र गुरुङ पुरस्कृत

आइतबार, पुस १३, २०७६ बागेश्वरी पोस्ट

काठमाडौं । पत्रकार गजेन्द्र गुरुङ पुरस्कृत भएका छन् ।तमु (गुरुङ)सञ्चारकर्मी संघले हरेक वर्ष तमु ल्होसारको अवसरमा प्रदान गर्दै आएको ‘तमु पत्रकारिता पुरस्कार – २०७६’ बाट काँचुली खबर डट कमका सम्पादक गजेन्द्र गुरुङ सहित अन्य सात पत्रकारहरु पुरस्कृत भएका छन् ।

संघले तमु पत्रकारिता पुरस्कार छनौट समितिको सिफारिसमा बिभिन्न बिधामा हरेक वर्ष ७ जना पत्रकारहरुलाई पृरस्कृत गर्दै आएको छ । सोहि अनुरुप तमु पत्रकारिता पुरस्कार छनौट समिति २०७६ ले सिफारिस गरे अनुसार पत्रकार गुरुङलाई यसवर्षको ‘सुश्री भद्रकुमारी घले पत्रकारिता पुरस्कार’ बाट आज काठमाण्डौको टुडिखेलमा आयोजित ल्होसार विषेश कार्यक्रममा पृरस्कृत गरेको हो ।

पुरस्कारको राशी नगद १० हजार १ रुपैयाँ र सम्मानपत्र रहेको छ । सम्पादक गुरुङसँगै पुरस्कृत हुने अन्यमा ‘पूर्व प्रधानसेनापति छत्रमानसिंह गुरुङ तथा कमला गुरुङ पत्रकारिता पुरस्कार’ बाट रेडियो गोर्खाली कास्कीका स्टेशन म्यानेजर खिमा गुरुङ र नागरिक खबर डटकम काठमाण्डौका सम्पादक मनोज घर्तीमगर, ‘तमु आदिकवि हर्कबहादुर गुरुङ स्मृति पत्रकारिता पुरस्कार’ बाट तमुमै ताँ टेलिभिजन कार्यक्रम प्रस्तोता पुनम गुरुङ, ‘सीआई टेकबहादुर गुरुङ तथा रसकुमारी गुरुङ पत्रकारिता पुरस्कार’ बाट स्वदेश खबर डटकम सुनसरीका कार्यकारी सम्पादक नबिन गुरुङ, तमु पत्रकारिता पुरस्कार (ल्होसार मूल आयोजक समिति) बाट प्राईम टेलिभिजन काठमाण्डौका भिडियो सम्पादक सृष्टि गुरुङ र ‘लक्ष्मी गुरुङ पत्रकारिता पुरस्कार’ बाट मेरो मनकामना एफएम गोरखाका स्टेसन म्यानेजर चित्र गुरुङ पुरस्कृत भएका छन् । पुरस्कृत पत्रकारहरुलाई पुरस्कार वितरण समारोहका प्रमुख अतिथी महिला, बालबालिका तथा ज्येष्ठ नागरिक मन्त्री पार्वत गुरुङले नगद, सम्मानपत्र र फेटाका साथमा सम्मान गरेका थिए ।

प्रकाशित मिति: आइतबार, पुस १३, २०७६ १९:२४

प्रतिक्रिया दिनुहोस्