नेपालगन्जको जमुनाह नाकाबाट ब्राउन सुगरसहित दुई जना पक्राउ

सुरक्षा-अपराध

गृहपृष्ठ
सुरक्षा-अपराध
नेपालगन्जको जमुनाह नाकाबाट ब्राउन सुगरसहित दुई जना पक्राउ

नेपालगन्जको जमुनाह नाकाबाट ब्राउन सुगरसहित दुई जना पक्राउ

बुधबार, फागुन २५, २०७८ बागेश्वरी पोस्ट

नेपालगन्ज । बाँके प्रहरीले लागूऔषध ब्राउन सुगरसहित दुई जना युवकलाई पक्राउ गरेको छ ।

इलाका प्रहरी कार्यालय जमुनाहका इन्चार्ज प्रहरी नायब निरीक्षक मीन बहादुर बिष्टको कमान्डको टोली र लागूऔषध नियन्त्रण ब्यूरोको संयुक्त टोलीले आज दिउँसो पौने ३ बजे भारतबाट नेपालगन्ज आउँदै गरेका दुई जना युवकहरुलाई जमुनाह नाकाबाट चेकजाँचका क्रममा ब्राउन सुगरसहित पक्राउ गरेको जिल्ला प्रहरी कार्यालय बाँकेले जानकारी दिएको छ ।

भारतबाट नेपालगन्जतर्फ आउँदै गरेका चन्दननाथ गाउँपालिका ५ जुम्लाका ३२ बर्षीय बिष्णु रावत र तातोपानी गाउँपालिका ३ का २२ बर्षीय भरत रावललाई चेकजाँचका क्रममा जमुनाह नाकामा मुखभित्र लुकाएर ल्याइरहेको अवस्थामा ३ ग्राम ब्राउन सुगरसहित पक्राउ गरेको जिल्ला प्रहरी बाँकेले जनाएको छ । प्रहरीले रावलको मुखभित्र ब्राउन सुगर लुकाएको अवस्थामा बरामद गरेको हो ।

पक्राउ परेका दुबै जनालाई हिरासतमा लिएर लागू औषध कसुरमा थप अनुसन्धान गरिरहेको जिल्ला प्रहरी कार्यालय बाँकेले जनाएको छ । पछिल्ला केही दिन यता बाँके प्रहरीले धमाधम लागूऔषध बरामद गर्दै लागूऔषध कारोबारीको निद्रा हराम गर्दै आएको छ ।