जमुनाह नाकाबाट ८ सय क्याप्सुल लागू औषधसहित एक जना पक्राउ

सुरक्षा-अपराध

गृहपृष्ठ
सुरक्षा-अपराध
जमुनाह नाकाबाट ८ सय क्याप्सुल लागू औषधसहित एक जना पक्राउ

जमुनाह नाकाबाट ८ सय क्याप्सुल लागू औषधसहित एक जना पक्राउ

शनिबार, चैत ५, २०७८ बागेश्वरी पोस्ट

नेपालगन्ज । नेपालगन्जको इलाका प्रहरी कार्यालय जमुनाहले लागू औषधसहित एक जना युवकलाई नियन्त्रणमा लिएको छ ।

जमुनाह प्रहरी इन्चार्ज प्रहरी नायब निरीक्षक मीन बहादुर बिष्टको कमान्डमा खटिएको टोलीले भारतबाट नेपालगन्ज आउँदै गरेका तुलसीपुर १८ का २२ बर्षीय बिकास बिकलाई आज बिहान ११ बजे ८ सय क्याप्सुल लागू औषध ट्रमाडोलसहित पक्राउ गरिएको जिल्ला प्रहरी कार्यालय बाँकेले जनाएको छ ।

भारतबाट नेपालगन्ज सीमा नाकाबाट शंकास्पद रुपले नेपालगन्ज आउँदै गरेका बिकलाई चेकजाँचका क्रममा बेल्टभित्र लुकाएर ल्याएको अवस्थामा ८० फाइल (८ सय क्याप्सुल) लागू औषध ट्रमाडोल बरामद गरेको जिल्ला प्रहरी बाँकेले जानकारी दिएको छ ।

लागू औषधसहित नियन्त्रणमा रहेका बिकलाई हिरासतमा लिएर लागू औषध कसुरमा थप अनुसन्धान भइरहेको जिल्ला प्रहरी बाँकेले जनाएको छ ।

प्रकाशित मिति: शनिबार, चैत ५, २०७८ १२:२५