अभिनेता पल शाहलाई पुर्पक्षका लागि थुनामा पठाउन आदेश

समाचार

गृहपृष्ठ
समाचार
अभिनेता पल शाहलाई पुर्पक्षका लागि थुनामा पठाउन आदेश

अभिनेता पल शाहलाई पुर्पक्षका लागि थुनामा पठाउन आदेश

बिहीबार, चैत १०, २०७८ बागेश्वरी पोस्ट

नेपालगञ्ज । नाबालिग बलात्कारको अभियोगमा तनहुँ जिल्ला अदालतले अभिनेता पल शाहलाई थुनामा पठाउने आदेश दिएको छ । तनहुँ जिल्ला अदालतले अभियुक्त शाहलाई थुनामै राखेर मुद्दाको पुर्पक्ष गर्ने आदेश दिएको हो ।

बुधबार र बिहीबार भएको थुनछेक बहसपछि न्यायाधीश हरिशचन्द्र ढुंगानाको इजलासले पललाई थुनामै राखेर मुद्दाको पुर्पक्ष गर्ने आदेश दिएको हो । तत्काल प्राप्त प्रमाणबाट आरोपी कसूरदार देखिएको भन्दै अदालतले थुनामै राखेर मुद्दाको पुर्पक्ष गर्न आदेश दिएको हो ।

अदालतको आदेशबाटै पललाई जिल्ला कारागार तनहुँमा पुर्पक्षका लागि थुनामा पठाइएको छ । मतियारका रुपमा मुद्दा दायर गरिएका पल शाहका म्यानेजर कृष्ण जोशीसँग भने एक लाख रुपैयाँ धरौटी माग गरिएको छ ।

प्रकाशित मिति: बिहीबार, चैत १०, २०७८ १९:२१

प्रतिक्रिया दिनुहोस्