जमुनाह बिओपीद्वारा ठुलो परिमाणमा लागूऔषध ट्रामाडोल बरामद

सुरक्षा-अपराध

गृहपृष्ठ
सुरक्षा-अपराध
जमुनाह बिओपीद्वारा ठुलो परिमाणमा लागूऔषध ट्रामाडोल बरामद

जमुनाह बिओपीद्वारा ठुलो परिमाणमा लागूऔषध ट्रामाडोल बरामद

बुधबार, चैत १६, २०७८ बागेश्वरी पोस्ट

नेपालगन्ज । सशस्त्र प्रहरीको टोलीले नेपालगन्जको सिमा नाकाबाट ठुलो परिमाणमा लागूऔषध बरामद गरेको छ ।

सशस्त्र प्रहरीको नेपालगन्ज भन्सारस्थित जमुनाह बिओपीबाट सशस्त्र प्रहरी निरीक्षक जीवनलाल बुढाको कमान्डमा गएको टोलीले नेपालगन्ज १६ जयसपुर नाकाबाट लागूऔषध ४८ सय क्याप्सुल ट्रामाडोल बरामद गरेको सशस्त्र प्रहरी बल नम्बर ३० गण बागेश्वरी बाँकेले जनाएको छ ।

नियमित गस्तीका क्रममा रहेको सशस्त्र प्रहरी निरीक्षक बुढाको टोलीले आज बिहान साढे ७ बजे सीमा नाका नजिक खेतमा सेतो प्लास्टिकलाई बाँधेर राखिएको अवस्थामा फेला पारेको हो ।

शंका लागेर उक्त सेतो प्लास्टिक खोलेर हेर्दा सशस्त्र प्रहरीले ४८ सय क्याप्सुल ट्रामाडोल फेला पारेको सशस्त्र प्रहरीले जानकारी दिएको छ । फेला पारिएको लागूऔषधलाई आजै नेपालगन्ज भन्सार बुझाइएको सशस्त्र प्रहरीले जनाएको छ।

प्रकाशित मिति: बुधबार, चैत १६, २०७८ १५:५३

प्रतिक्रिया दिनुहोस्