बाँकेको राप्तीसोनारी ५ मा कांग्रेसको शक्ति प्रदर्शन

राजनीति

गृहपृष्ठ
राजनीति
बाँकेको राप्तीसोनारी ५ मा कांग्रेसको शक्ति प्रदर्शन

बाँकेको राप्तीसोनारी ५ मा कांग्रेसको शक्ति प्रदर्शन

मंगलबार, वैशाख २०, २०७९ प्रविण गिरी

राप्तीसोनारी । बाँकेको राप्तीसोनारी गाउँपालिकामा नेपाली कांग्रेसले शक्ति प्रदर्शन गरेको छ । आज गाउँपालिकाको वडा नम्बर ५ मा शक्ति प्रदर्शन गरिएको हो । आज मध्यान्ह १२ बजे बिनौना चोकबाट सुरु भएको ¥याली रमनपुरुवा, आलीनगर, चाचरफर्का हुँदै पुनः बिनौना चोकमा पुगेर कोणसभामा परिणत भएको थियो ।

कोणसभालाई सम्बोधन गर्दै राप्तीसोनारी गाउँपालिकाका अध्यक्ष पदका उम्मेदवार तप्त पौडेलले विकास र समृद्धि, सामाजिक सुरक्षा र गुणस्तरीय शिक्षा लगायतका बिषयमा योजनाबद्ध रुपमा काम गर्ने बताए । जनताहरुले दिएको साथ र समर्थनलाई सधैं सम्मान गरी विकासका काममा अगाडि बढ्ने उनले बताए ।

कार्यक्रममा वडा नम्बर ५ का अध्यक्ष पदका उम्मेदवार भोला थारुले स्थानीयको साथ र समर्थनले आफूमा उत्साह थपिएको बताए । कार्यक्रममा राप्तीसोनारी गाउँपालिकाका उपाध्यक्ष पदका उम्मेदवार मनिषासिंह थारु लगायत कांग्रेसका तर्फबाट वडा नम्बर ५ का वडा सदस्य पदका उम्मेदवार लगायतले बोलेका थिए ।

त्यस्तै कोणसभालाई सम्बोधन गर्दै महाधिवेशन प्रतिनिधिद्वय यम बहादुर खड्का र संगिता चौधरीले राप्तीसोनारीमा अध्यक्षका उम्मेदवार पौडेल र उपाध्यक्षका उम्मेदवार थारुसहित वडा अध्यक्ष र सदस्यका उम्मेदवारहरु कुनै पनि हालतमा विजयी भएरै छोडने बताए । राप्तीसोनारीको बिकास र समृद्धिका लागि पौडेलसहित सबैको विजय आवश्यक भएकाले जनताले कांग्रेस रोजिसकेको उनीहरुले बताए ।

राप्तीसोनारीका अध्यक्षका उम्मेदवार पौडेल र उपाध्यक्षका उम्मेदवार थारु लगायत कांग्रेसका वडा अध्यक्ष र सदस्यका उम्मेदवारहरुलाई निर्वाचित गराउन कांग्रेसका नेता कार्यकर्ता अहोरात्र खटिएको राप्तीसोनारी गाउँपालिकाका तरुण दल उपसभापति प्रदिप रजकले बताए ।

आजको शक्ति प्रदर्शनले वडा नम्बर ५ सहित गाउँपालिकामै कांग्रेसको विजय निश्चित भइसकेको शिक्षक संघ बाँकेका उपाध्यक्ष शेखर रावतले बताए ।

प्रकाशित मिति: मंगलबार, वैशाख २०, २०७९ १६:०७

प्रतिक्रिया दिनुहोस्