जमुनाहबाट ब्राउनसुगरसहित रेग्मी र पुन मगर पक्राउ

सुरक्षा-अपराध

गृहपृष्ठ
सुरक्षा-अपराध
जमुनाहबाट ब्राउनसुगरसहित रेग्मी र पुन मगर पक्राउ

जमुनाहबाट ब्राउनसुगरसहित रेग्मी र पुन मगर पक्राउ

बिहीबार, वैशाख २२, २०७९ बागेश्वरी पोस्ट

नेपालगन्ज । नेपालगन्जको इलाका प्रहरी कार्यालय जमुनाहले लागूऔषधसहित दुई जनालाई नियन्त्रणमा लिएको छ ।

जमुनाह प्रहरी इन्चार्ज प्रहरी नायब निरीक्षक मीन बहादुर बिष्टको कमान्डमा खटिएको टोली र लागूऔषध नियन्त्रण ब्युरोको संयुक्त टोलीले आज दिउँसो ३ बजे भे१२प १४९७ नम्बरको मोटरसाइकलमा भारतको रुपइडिहाबाट नेपालगन्ज आउँदै गरेका बैजनाथ ३ बाँकेका २३ बर्षीय कृष्ण प्रसाद रेग्मी र नारायण नगरपालिका ९ दैलेखकी दिपिका पुन मगरलाई चेकजाँचका क्रममा ६ ग्राम ब्राउनसुगरसहित पक्राउ गरेको जिल्ला प्रहरी बाँकेले जनाएको छ ।

नेपालगन्ज सीमा नाकाबाट शंकास्पदरुपले नेपालगन्ज आउँदै गरेका उनीहरुलाई चेकजाँचका क्रममा पैन्टको गोजीमा राखिएको अवस्थामा ६ ग्राम ब्राउनसुगर बरामद गरेको जिल्ला प्रहरी बाँकेले जानकारी दिएको छ ।

लागूऔषधसहित पक्राउ परेका दुबै जनालाई हिरासतमा लिएर लागूऔषध कसुरमा थप अनुसन्धान भइरहेको जिल्ला प्रहरी बाँकेले जनाएको छ ।

प्रकाशित मिति: बिहीबार, वैशाख २२, २०७९ १८:०७