एक जोडी युवायुवती रुखमा झुण्डिएको अवस्थामा मृत भेटिए

समाचार

गृहपृष्ठ
समाचार
एक जोडी युवायुवती रुखमा झुण्डिएको अवस्थामा मृत भेटिए

एक जोडी युवायुवती रुखमा झुण्डिएको अवस्थामा मृत भेटिए

शुक्रबार, भदौ ३, २०७९ बागेश्वरी पोस्ट

नेपालगन्ज । रुखमा झुण्डिएको अवस्थामा एक जोडी युवायुवती मृत फेला परेका छन् ।

बैतडी जिल्लाको सिगास गाउँपालिका ५ का २१ वर्षीय केशव दमाईं र १८ वर्षीया रमिता विक मृत भेटिएको जिल्ला प्रहरी कार्यालय बैतडीले जनाएको छ। प्रहरीका अनुसार उनीहरू दुवै जना चिउरीको रुखको एकै हाँगोमा झुण्डिएका अवस्थामा भेटिएका हुन् ।

मृतक दुवै जनाको शव परीक्षणका लागि जिल्ला बैतडी जिल्ला अस्पताल पठाइएको छ । मृतक दुवैजना अविवाहित रहेका कारण प्रेम सम्बन्धमा रहेको हुनसक्ने प्रहरीले अनुमान गरेको छ ।

घटनाबारे थप अनुसन्धान भइरहेको जिल्ला प्रहरी कार्यालय बैतडीले जानकारी दिएको छ ।

प्रकाशित मिति: शुक्रबार, भदौ ३, २०७९ १७:३४

प्रतिक्रिया दिनुहोस्