कन्चनपुरमा बच्चा चोर्दै गरेका नेपाली र भारतीयसहित ४ जना पक्राउ

सुरक्षा-अपराध

गृहपृष्ठ
सुरक्षा-अपराध
कन्चनपुरमा बच्चा चोर्दै गरेका नेपाली र भारतीयसहित ४ जना पक्राउ

कन्चनपुरमा बच्चा चोर्दै गरेका नेपाली र भारतीयसहित ४ जना पक्राउ

बुधबार, असोज ५, २०७९ बागेश्वरी पोस्ट

नेपालगन्ज । बच्चा चोर्दै गरेको अवस्थामा प्रहरीले ४ जनालाई पक्राउ गरेको छ ।

कन्चनपुरको शुक्लाफाँटा नगरपालिका वडा नम्बर ८ मा बच्चा चोर्न लागेको आरोपमा प्रहरीले नेपाली र भारतीय नागरिक गरी ४ जनालाई पक्राउ गरेको जिल्ला प्रहरी कार्यालय कन्चनपुरले जनाएको छ ।

शुक्लाफाँटा ८ का ६ वर्षीय बालकलाई मिठाई दिएर ललाइफकाई जङ्गलतर्फ लैजान खोज्दा स्थानीयले ४ जनालाई घेरा हाली नियन्त्रणमा लिँदै प्रहरीलाई बुझाइएका हुन् ।

बच्चा चोर्दै गरेको अवस्थामा पक्राउ पर्नेमा रौतहट घर भई हाल कैलालीको अत्तरिया बस्दै आएका २८ वर्षीय अनिलकुमार साह, भारतको बिहारका ३३ वर्षीय पिन्टु साह, २५ वर्षीय राजकिशोर साह र २७ वर्षीय विकासकुमार साह रहेको कन्चनपुरले जानकारी दिएको छ ।

पक्राउ परेका ४ जनासँगह प्रहरीले थप अनुसन्धान अघि बढाएको जिल्ला प्रहरी कार्यालय कन्चनपुरले बताएको छ । रासस

प्रकाशित मिति: बुधबार, असोज ५, २०७९ १०:३३

प्रतिक्रिया दिनुहोस्