सांसद तिवारी र खत्रीलाई संवादको सम्मान

स्थानीय

गृहपृष्ठ
स्थानीय
सांसद तिवारी र खत्रीलाई संवादको सम्मान

सांसद तिवारी र खत्रीलाई संवादको सम्मान

शुक्रबार, माघ १३, २०७९ बागेश्वरी पोस्ट

नेपालगञ्ज । संवाद समूह बाँकेका सदस्यद्वय लक्ष्मी तिवारी र रत्न खत्रीलाई आज संवाद समूह बाँकेले स्वागत तथा सम्मान गरेको छ ।

तिवारी बाँके क्षेत्र न २ बाट समानुपातिकतर्फ संघीय सांसद र खत्री बाँके क्षेत्र नम्बर ३ बाट प्रदेश सांसद निर्वाचित भएपछि पहिलोपटक संवाद समूहले सदस्यद्वयलाई आफ्नो कार्यालयमा एक समारोह बीच अंगोछा र अविरसहित सम्मान गरेको हो । संवाद समूह बाँके सदस्य कृष्णा केसी नमुना पनि बाँके क्षेत्र न १ बाट प्रदेश सांसदमा निर्वाचित भएकी थिइन् । उनी हाल प्रदेश मन्त्री समेत छिन् । कार्य व्यस्तताका कारण उनी भने उपस्थित हुन सकिनन् । सांसद खत्री र तिवारीलाई समूहका सहजकर्ता शुक्रऋषि चौलागाई, सदस्य एवं अधिवक्ता प्रहलाद बहादुर कार्की, सदस्य अस्मिता शाह लगायतले अंगोछासहित स्वागत तथा सम्मान प्रकट गरेका थिए ।

जनसरोकारका गम्भीर र जटिल सवालमा संवाद समूहले गरिरहेको संवाद सहजीकरणको प्रशंसा गर्दै दुबै सांसदले जनसरोकारका सवालमा आफूहरुले पनि सम्वन्धित ठाउँमा आवाज उठाउने र सम्वोधनको पहल गर्ने प्रतिवद्धता व्यक्त गरे । जनसरोकार, विवाद र द्वन्द व्यवस्थापनमा क्रियाशील समूहले आधा दर्जन सवालमा अहिले पनि संवाद सहजीकरण गरिरहेको छ ।

प्रकाशित मिति: शुक्रबार, माघ १३, २०७९ २१:१९

प्रतिक्रिया दिनुहोस्