कोहलपुरमा प्रमुख प्रशासकीय अधिकृत ढकाललाई स्वागत

स्थानीय

गृहपृष्ठ
स्थानीय
कोहलपुरमा प्रमुख प्रशासकीय अधिकृत ढकाललाई स्वागत

कोहलपुरमा प्रमुख प्रशासकीय अधिकृत ढकाललाई स्वागत

सोमबार, भदौ २५, २०८० बागेश्वरी पोस्ट

नेपालगञ्ज । कोहलपुर नगरपालिकाले प्रमुख प्रशासकीय अधिकृत धोलकराज ढकाललाई आज स्वागत गरेको छ । नगरपालिकाकामा आयोजित एक कार्यक्रमकाबीच नगर प्रमुख पूर्णप्रसाद आचार्य, उपप्रमुख संगिता सुवेदी लगायत जनप्रतिनिधि र कर्मचारीहरुले ढकाललाई स्वागत गरेका हुन् ।

प्रमुख प्रशासकीय अधिकृत टिकाराम ढकालको सरुवा भएपछि उनको ठाउँमा धोलकराज आएका हुन् । प्रमुख प्रशासकीय अधिकृत धोलकराजको स्वागतमा आयोजित कार्यक्रममा नगर प्रमुख आचार्यले कोहलपुरलाई सम्बृद्ध बनाउने सवालमा प्रमुख प्रशासकीय अधिकृतको पनि अहम् भूमिका हुने भएकाले सबैसँग समन्वय र सहकार्य गरेर अघि बढ्ने विश्वास व्यक्त गरे । उनले जनप्रतिनिधिका समस्यालाई सहजीकरण गर्ने, जनप्रतिनिधिका निर्णयलाई कार्यान्वयन गर्ने सवालमा प्रमुख प्रशासकीय अधिकृतको सहयोग हुने विश्वास व्यक्त गरे ।

त्यसैगरी नगर उपप्रमुख सुवेदीले पनि समन्वय र सहकार्यबाटै कोहलपुरलाई सम्बृद्ध बनाउन सकिने बताइन् । त्यसक्रममा प्रमुख प्रशासकीय अधिकृत ढकालले आफूले कोहलपुरको सम्बृद्धिका निमित्त सक्दो भूमिका खेल्ने बताए । उनले आफूले टिमवर्कमा काम गर्ने भएकाले त्यसै अनुसार सबैसँग समन्वय गरेर काम गरिने प्रतिबद्धता जनाए । कोहलपुर नगरपालिकाका प्रवक्ता नमबहादुर आलेले स्वागत गरेको उक्त कार्यक्रममा वडा अध्यक्षहरु, कार्यपालिका सदस्यहरु, विषयगत शाखाका प्रमुख तथा कर्मचारी लगायतको सहभागिता रहेको थियो ।

प्रकाशित मिति: सोमबार, भदौ २५, २०८० १९:१७