नेपालगन्जले कोभिड विरुद्धको खोपका लागि आवश्यक पहल गर्ने

स्थानीय

गृहपृष्ठ
स्थानीय
नेपालगन्जले कोभिड विरुद्धको खोपका लागि आवश्यक पहल गर्ने

नेपालगन्जले कोभिड विरुद्धको खोपका लागि आवश्यक पहल गर्ने

बुधबार, जेठ २६, २०७८ बागेश्वरी पोस्ट

नेपालगञ्ज । नेपालगञ्ज उपमहानगरपालिकाले छिटो भन्दा छिटो सम्पूर्ण नगरबासीलाई कोभिड विरुद्धको खोप उपलब्ध गराउन आवश्यक पहल गर्ने निर्णय गरेको छ ।

नगरप्रमुख डा. धवलशम्शेर राणाको अध्यक्षतामा आज बसेको नगर कार्यपालिका बैठकले सरकारले अनुमति दिएमा नगरबासीका लागि आवश्यक खोप खरिद गर्ने निर्णय गरेको छ । बैठकले हिमानी कोषले नेपालगञ्जकाल लागि आवश्यक जोनसन एण्ड जोनसन कम्पनीको खोप नि:शुल्क उपलब्ध गराउन प्रस्ताव गरे अनुसार सो प्रस्ताव स्वीकृति गर्ने निर्णय गरेको छ । हिमानी कोषले नेपालगञ्जका लागि आवश्यक खोप उपलब्ध गराउन सक्ने प्रस्ताव नेपालगञ्ज उपमहानगरपालिकालाई गरेको छ । नगर उपप्रमुख उमा थापा मगरका अनुसार छिटो भन्दा छिटो सम्पूर्ण नगरबासीलाई कोभिड विरुद्धको खोप उपलब्ध गराउन उपमहानगरपालिकाले पहल गर्न थालेको हो ।

कोभिड विरुद्धको खोप अन्य संघ संस्थाले पनि उपलब्ध गराउन चाहेमा स्वीकृत दिने बैठकले निर्णय गरेको छ । नेपालगञ्ज उपमहानगरपालिकाका प्रबक्ता प्रमोद रिजालका अनुसार बैठकले सरकारलाई छिटो भन्दा छिटो कोभिड विरुद्धको खोप उपलब्ध गराउन माग गरेको छ ।

प्रकाशित मिति: बुधबार, जेठ २६, २०७८ १८:०२

प्रतिक्रिया दिनुहोस्