खजुराका जीवजन्तु प्रेमी युवाहरुले गरे गम्भीर घाइते गाईको उद्दार

स्थानीय

गृहपृष्ठ
स्थानीय
खजुराका जीवजन्तु प्रेमी युवाहरुले गरे गम्भीर घाइते गाईको उद्दार

खजुराका जीवजन्तु प्रेमी युवाहरुले गरे गम्भीर घाइते गाईको उद्दार

राप्रपाका युवा नेता मो. सफिक बेहना समेत खटिए उपचारमा

सोमबार, मंसिर २०, २०७८ बागेश्वरी पोस्ट

नेपालगन्ज । बाँकेको खजुरा गाउँपालिकाका युवाहरुले घाइते भएर बिजोग अवस्थामा रहेको गाईको उद्दार गरेका छन् ।

एक हप्ता अघि जानकी गाउँपालिका वडा नम्बर ४ स्थित कर्णाली डिस्टिलरी अगाडि गाडीको ठक्करबाट गम्भीर घाइते भएको गाईलाई अहिलेसम्म बाटोकै छेउँमै छाप्रो बनाई उपचार गरिरहेको राप्रपा खजुराका नेता सुधीर शुक्लाले बताए । जिवजन्तु प्रेमीहरु समेत रहेका खजुरा ३ का आशिष कुमार चौधरी, मनोज केसी, गुलरिया ४ बर्दियाका प्रकाश मल्ल, लक्ष्मण आचार्य र मैनापोखर बर्दियाका श्याम श्रेष्ठहरुले उक्त घाइते गाईको दिनरात उपचारमा लागेका छन् ।

गम्भीर अवस्थामा रहेको गाईको ४ वटा खुट्टा, गर्धन भाँचिएको र मुखमा गहिरो तरिकाले काटिएको उपचारमा संलग्न चौधरीले बताए । पटक-पटक सम्बन्धित निकायमा खबर गरेको भएपनि एकछिन आएर हेरेर गइहाल्ने हुँदा गाईले राम्रो उपचार पाउन नसकेको चौधरीले बताए । घाइते गाईलाई चाहिने औषधि लगायतका सामग्रीको व्यवस्था समेत गरेपनि उक्त गाईलाई उपचार केन्द्रमै लगे राम्रो हुने उपचारमा खटिएका प्रकाश मल्लले भने ।

राप्रपाको महाधिवेशन सकेर नेपालगन्ज एअरपोर्ट आइपुगेका बाँकेका युवा नेता मो. सफिक बेहनालाई खजुराका नेता शुक्लाले घाइते गाईको बारेमा जानकारी गराउने बित्तिकै नेता बेहना गाईको अवस्था बुझ्न सिधै कर्णाली डिस्टिलरी अगाडि पुगेका थिए ।

घाइते गाईको अवस्था दयनीय रहेको हुँदा नेता बेहनाले खजुराका युवा नेता शुक्लालाई टयाक्टर व्यवस्था गरी भोलि गुलरियास्थित सोल्टीज होप स्त्रीट एनिमल रेस्क्यु सेन्टरमा लगेर उपचार गराउन निर्देशन दिएका छन् । नेता शुक्लाले आफूले गाई लैजानलाई सहयोग गर्ने बताए । गाई उपचारमा संलग्न रहेका मल्लकै बर्दियामै आफ्नै सोल्टीज होप स्त्रीट एनिमल रेस्क्यु सेन्टर रहेकोले घाइते गाईको उपचारमा सहज हुने भन्दै बर्दियामै ल्याउन सल्लाह दिएका हुन् ।

प्रकाशित मिति: सोमबार, मंसिर २०, २०७८ १७:३५

प्रतिक्रिया दिनुहोस्