राप्तीसोनारी गाउँपालिकाको ११ औं सभाको तयारी, ८८ करोड ३१ लाख बजेट ल्याइँदै

स्थानीय

गृहपृष्ठ
स्थानीय
राप्तीसोनारी गाउँपालिकाको ११ औं सभाको तयारी, ८८ करोड ३१ लाख बजेट ल्याइँदै

राप्तीसोनारी गाउँपालिकाको ११ औं सभाको तयारी, ८८ करोड ३१ लाख बजेट ल्याइँदै

बुधबार, असार ८, २०७९ बागेश्वरी पोस्ट

बाँके/(राप्तीसोनारी) । राप्तीसोनारी गाउँपालिकाको ११ औं गाउँसभाको तयारी तीब्र पारिएको छ । आगामी शुक्रबार (असार १० गते) दिउँसो १ बजे गाउँसभाको तयारी गरिएको छ ।

‘हामी गाउँसभा गर्ने तयारीमा जुटिसकेका छौं, गाउँसभामा प्रस्तुत गर्ने बजेट बारेको छलफल अन्तिम चरणमा पुगेको छ,’ गाउँपालिका अध्यक्ष तप्त बहादुर पौडेलले भने । उक्त सभामा अध्यक्ष पौडेलले आगामी आर्थिक वर्ष २०७९/८० का लागि नीति तथा कार्यक्रम प्रस्तुत गर्नेछन् । यस्तै उपाध्यक्ष मनिषासिंह थारुले आगामी आर्थिक वर्षको लागि बजेट प्रस्तुत गर्ने कार्यक्रम छ ।

‘गाउँसभाको तयारीकै लागि हामी निरन्तर कार्यपालिका बैठकमा छौं, कहाँ कति बजेट विनियोजन गर्ने भन्नेबारे कार्यपालिका बैठकमा छलफल भएको छ,’ उपाध्यक्ष थारुले भनिन् । गाउँपालिकाका प्रमुख प्रशासकीय अधिकृत सिंहराज डाँगीका अनुसार आगामी आर्थिक वर्ष २०७९/८० का लागि ९ वटै वडामा १५ करोड ३० लाख रुपैयाको बजेट सिलिङ पठाइएको छ ।

मापदण्ड नै बनाएर वडामा १ करोड ६० लाखदेखि १ करोड ९० लाख रुपैयाँसम्म बजेट छुट्याइएको छ । यसैगरी गाउँपालिकाले खर्च गर्ने बजेट ३५ करोड ४६ लाख ४८ हजार रुपैयाँ गरी कुल ८८ करोड ३१ लाख ४८ हजार रुपैयाँ बराबरको बजेट ल्याउने तयारी रहेको प्रमुख प्रशासकीय अधिकृत डाँगीले बताए । गाउँसभामा सभाध्यक्षसहित ४७ जना सदस्य सहभागी हुनेछन् ।

प्रकाशित मिति: बुधबार, असार ८, २०७९ २१:२९