१०० शय्याको आफ्नै अस्पताल नभए नर्सिङ कलेज बन्द

शिक्षा

गृहपृष्ठ
शिक्षा
१०० शय्याको आफ्नै अस्पताल नभए नर्सिङ कलेज बन्द

१०० शय्याको आफ्नै अस्पताल नभए नर्सिङ कलेज बन्द

शनिबार, कात्तिक २७, २०७८ बागेश्वरी पोस्ट

नेपालगन्ज । प्राविधिक शिक्षा तथा व्यावसायिक तालिम परिषद् (सिटिइभिटी)ले १०० शय्याको आफ्नै अस्पताल भएका शिक्षण संस्थाले मात्र प्रमाणपत्र तह (पिसिएल) नर्सिङको पठनपाठन गराउन पाउने निर्णय गरेको छ ।

परिषद्का अध्यक्ष एवम् शिक्षा, विज्ञान तथा प्रविधिमन्त्री देवेन्द्र पौडेलको अध्यक्षतामा हालै बसेको बैठकले मापदण्ड पूरा गरेका कलेजलाई मात्र भर्ना खुला गर्ने निर्णय गरेको हो ।

परिषद्को निर्णयसँगै स्थगित गरिएको नर्सिङको भर्ना प्रक्रिया अघि बढ्ने सिटिइभिटीका सदस्य सचिव जीवनारायण काफ्लेले जानकारी दिए ।

आफ्नै १०० शय्याको अस्पताल भएका निजी शिक्षण संस्थामा पनि विद्यार्थी भर्ना लिन चिकित्सा शिक्षा आयोगले अनुमति दिइसकेको छ ।

ऐनको प्रावधान अनुसार मापदण्ड पुगेका शिक्षण संस्थामा तत्काल विद्यार्थी भर्ना लिएर शैक्षिक सत्रअघि बढाउने निर्णय भएको काफ्लेले बताए ।

परिषद्तहका १०९ मध्ये २४ शिक्षण संस्थाले मात्रै यी दुई मापदण्ड पूरा गरेका छन् । ती २४ वटा कलेजमध्ये १७ वटा निजी कलेज हुन् भने ७ वटा आङ्गिक कलेज हुन् । जसका कारण धेरै नर्सिङ कलेज बन्द हुने अवस्थामा पुगेका छन् । रासस

प्रकाशित मिति: शनिबार, कात्तिक २७, २०७८ १२:२२

प्रतिक्रिया दिनुहोस्