जमुनाह नाकामा आज २ जनामा कोभिड भेटियो

स्वास्थ्य

गृहपृष्ठ
स्वास्थ्य
जमुनाह नाकामा आज २ जनामा कोभिड भेटियो

जमुनाह नाकामा आज २ जनामा कोभिड भेटियो

सोमबार, चैत १३, २०७९ बागेश्वरी पोस्ट

नेपालगन्ज । नेपालगन्जको जमुनाहा नाकामा रहेको हेल्थ डेस्कमा शंकास्पदहरुलाई कोभिड जाँच गर्दा २ जनामा संक्रमण देखिएको छ ।

आज शंकास्पद ११० जनाको कोभिड एन्टिजिन जाँच गर्दा २ जनामा संक्रमण देखिएको छ । संक्रमण देखिएकाहरु रुकुमका ४१ बर्षीय र कालिकोटका ५३ बर्षीय पुरुष हुन् । उनीहरु भारतबाट फर्किएको बताइएको छ ।

आज संक्रमण देखिएकाहरुमा सामान्य रुघाखोकी बाहेक अन्य जटिल लक्षण नदेखिएको जिल्ला कोभिड संकट व्यवस्थापन केन्द्र बाँकेका फोकल पर्सन तेज वलीले बताए ।

संक्रमित सबैलाई स्थानीय तहसंगको समन्वयमा होम आइसोलेसनमा बस्ने गरी आइसोलेट गरेर घर पठाइएको छ ।

प्रकाशित मिति: सोमबार, चैत १३, २०७९ १६:२१