बालबालिकाले किसमिस खानुका यस्ता छन् फाइदा

स्वास्थ्य

गृहपृष्ठ
स्वास्थ्य
बालबालिकाले किसमिस खानुका यस्ता छन् फाइदा

बालबालिकाले किसमिस खानुका यस्ता छन् फाइदा

बिहीबार, चैत १६, २०७९ बागेश्वरी पोस्ट

नेपालगन्ज । बालबालिकाको उचित मानसिक र शारीरिक विकासको लागि धेरै कदम चाल्छन् । विशेषगरी आमाहरू बालबालिकाको स्वास्थ्यप्रति धेरै सचेत हुन्छन् ।

बच्चाको उचाइ, तौल सही समयमा बढिरहेको छ वा छैन, कुनै रोगले सताएको छ कि छैन, यी सबै कुरामा आमाले चनाखो भएर बस्छिन् । तर, कतिपय कुरा यस्ता हुन्छन्, जसलाई विज्ञहरूले नभनेसम्म अभिभावकले पनि ध्यान दिँदैनन् ।

यी मध्ये एक हो एनिमिया । नेपालमा बालबालिकामा रक्तअल्पता र कुपोषण एक समस्या हो । बच्चालाई रक्तअल्पताबाट बचाउन आहारमा किसमिस समावेश गर्न सकिन्छ ।

किसमिसले एनिमिया हुनबाट बचाउँछ ?

किसमिसमा आइरन, पोटासियम, क्याल्सियम, म्याग्नेसियम र फाइबर पाइन्छ । यी सबै पोषक तत्वहरूले शरीरमा रगतको कमीलाई पूरा गर्छ ।

किसमिसमा गरिएका धेरै अनुसन्धानका अनुसार यसको नियमित सेवनले शरीरमा आइरनको मात्रा बढाउँछ । सही मात्रामा आइरनले रगतको कमीलाई पूरा गर्न मद्दत गर्छ ।

शिशुको लागी किसमिसको लाभ

किसमिसमा भएका पोषक तत्वले बालबालिकाको पाचनशक्ति सुधार्न मद्दत गर्छ । यसमा पर्याप्त मात्रामा फाइबर पाइन्छ । फाइबर पाचनका लागि उत्कृष्ट छ। आहारमा फाइबर सन्तुलित मात्रामा लिइयो भने यसले पेट दुख्ने, कब्जियत, पखाला र अपचबाट राहत दिन्छ ।

नेशनल सेन्टर फर बायोटेक्नोलोजी इन्फर्मेसनको अनुसन्धानका अनुसार किसमिसमा क्यान्सर जस्ता घातक रोगबाट बच्ने गुण पनि हुन्छ । बालबालिकाको आहारमा किसमिस समावेश गर्नाले क्यान्सरबाट बच्न मद्दत गर्छ ।

किसमिसको सेवनले बालबालिकाको हड्डी र दाँतलाई मजबुत बनाउन मद्दत गर्छ । किसमिस क्याल्सियमको राम्रो स्रोत हो । जसका कारण यसले हड्डी र दाँतलाई बलियो बनाउन मद्दत गर्छ ।

बालबालिकाको तौल बढाउन पनि किसमिसको प्रयोग गरिन्छ । बालबालिकालाई दैनिक १० देखि १५ ग्राम किसमिस खुवाएमा उनीहरुको शरीरको तौल छिटो बढाउन सकिन्छ । साथै, यसले तिनीहरूलाई ऊर्जा प्रदान गर्न पनि मद्दत गर्दछ ।

जर्नल अफ फार्माकोग्नोसी एन्ड फाइटोकेमिस्ट्रीले गरेको अनुसन्धानले किसमिसमा पाइने पोटासियमले रक्तचाप नियन्त्रण गर्ने कुरा पत्ता लगाएको छ । रक्तचाप नियन्त्रणमा राख्दा मुटु रोगको जोखिम कम हुन्छ ।

बच्चाहरूलाई किसमिस खुवाउने तरिकाहरू

किसमिसलाई खीर, हलुवा वा अन्य कुनै पनि परिकारमा मिसाएर खुवाउन सकिन्छ । यसबाहेक किसमिसलाई पानीमा भिजाएर वा शेकमा मिसाएर पनि दिन सकिन्छ ।

एक वर्ष भन्दा कम उमेरका बच्चालाई काटेर वा पिसिरे दिन सकिन्छ । साना बच्चाहरूलाई पूरै किसमिस दिँदा उनीहरूलाई निसास्सिन सक्छ । यस्तो अवस्थामा सावधानी अपनाउन जरुरी छ ।

प्रकाशित मिति: बिहीबार, चैत १६, २०७९, ०९:११:००