श्रीमतिको फेसबुकमा फलोअर्स बढेपछि निर्मम हत्या

बिचित्र संसार

गृहपृष्ठ
बिचित्र संसार
श्रीमतिको फेसबुकमा फलोअर्स बढेपछि निर्मम हत्या

श्रीमतिको फेसबुकमा फलोअर्स बढेपछि निर्मम हत्या

बुधबार, माघ ८, २०७६ एजेन्सी

एजेन्सी । भारतको जयपुरमा सामाजिक सञ्जालका कारण एक महिलाले ज्यान गुमाएकी छन् ।

सामाजिक सञ्जालमा भिडियो र फोटो शेयर गर्दै आएकी रेशमा नामकी ती महिलाका फलोअर्सको संख्या समेत बढ्दै गएपछि ज्यान गुमाउनु परेको हो । फेसबुकमा ६ हजारभन्दा बढी फलोअर्स भएकी उनी प्रायः मोबाइलमा नै व्यस्त हुने गर्थिन ।

महिलाका पतिले पत्नीको उक्त बानीबाट वाक्क भएपछि हत्या गरेको भारतीय समाचार माध्यमले जनाएका छन् ।

समाचार अनुसार उक्त घटना जयपुरको आमेर थाना नजिकै भएको हो । रगत लतपतिएको महिलाको शव बरामद भएपछि प्रहरीले छानबिन गरेको थियो ।

एडिशनल पुलिस कमिश्नर अशोक कुमार गुप्ताले दिल्ली हाईवेस्थित माताको मन्दिर नजिकै सडकको छेउमा रगतले लतपतिएको शव भेटिएको बताए । उनका अनुसार शव नजिकै महिलाले चलाउँदै आएको स्कुटी र हेलमेट समेत फेला परेको थियो ।

प्रहरीले शवको शनाखत समेत गरेको छ । निर्ममतापूर्वक हत्या गरिएकी महिला जयसिंहपुरा खोर निवासी रेशमा मंगलानी (नैना) भएको प्रहरीले बताएको छ ।

छानबिनका क्रममा रेशमालाई उनकै श्रीमानले हत्या गरेको हुन सक्ने खुल्न आएको थियो । हाल प्रहरीले हत्याको आरोपमा महिलाका पति अयाज अहमदलाई गिरफ्तार गरेको छ ।

हत्यापछि रेशमालाई चिन्न नसकियोस् भनेर टाउकोमा ढुंगाले हानेर उनको अनुहार क्षतविक्षत बनाइएको थियो ।

अहमद र रेशमाले २ वर्षअघि गाजियाबादमा गएर आर्य समाजमा विवाह गरेका थिए । लगत्तै अहमदले भनेपछि दुबैजनाले मुस्लिम परम्परा अनुसार निकाह समेत गरेका थिए ।

विवादपछि दुबै जनाबीच विवाद र झगडा हुन थालेको प्रहरीले बताएको छ । अहमदले रेशमामाथि शंका गर्न लागेपछि दुबैजनाको सम्बन्ध थप तनावपूर्ण बनेको थियो ।

विवाद र झगडा हुन थालेपछि १ सालयता रेशमा एक्लै बस्दै आएको समेत प्रहरीको भनाइ छ । दुबैजना ३ महिनाका छोरा समेत छन् ।

प्रहरीका अनुसार अहमदले रेशमालाई मिलापत्र गर्ने भन्दै बोलाएर हत्या गरेका थिए । सुरुमा दुबैजनाले मादक पदार्थ सेवन गरेका थिए । त्यसपछि अहमदले रेशमाको टाउकोमा हिर्काएर हत्या गरेका थिए ।

अहमदले हत्या गर्ने योजनाले नै पत्नीलाई बोलाएको प्रहरीको भनाइ छ ।

रेशमाले नियमित जस्तै सामाजिक सञ्जाल फेसबुकमा आफ्नो फोटो र भिडियो शेयर गर्थिन् । उनका फलोअर्स समेत बढ्दै गएका थिए । पत्नीका फलोअर्स बढ्दै गएपछि अहमदले उनीमाथि शंका गर्न थालेका थिए । सोही शंकाका कारण घटना घटेको प्रहरीले बताएको छ ।

प्रकाशित मिति: बुधबार, माघ ८, २०७६, ०८:३३:००