राष्ट्रियसभा निर्वाचनका लागि सबै प्रदेशमा मतपत्र पुर्‍याईयो

राष्ट्रियसभा चुनाव २०७६

गृहपृष्ठ
राष्ट्रियसभा चुनाव २०७६
राष्ट्रियसभा निर्वाचनका लागि सबै प्रदेशमा मतपत्र पुर्‍याईयो

बिहीबार, माघ २, २०७६ बागेश्वरी पोस्ट

निर्वाचन आयोग नेपाल

काठमाडौं । राष्ट्रियसभा निर्वाचनका लागि मतपत्र छपाइ गरी निर्वाचन अधिकृतको कार्यालयसम्म पुर्‍याएको छ । राष्ट्रियसभा निर्वाचन निर्वाचन आयोगले माघ ९ गते हुँदैछ।

माघ १ गतेसम्म सातै प्रदेशका निर्वाचन अधिकृतको कार्यालयमा मतपत्र ढुवानी गरिसकेको आयोगका प्रवक्ता राजकुमार श्रेष्ठले जानकारी दिए । राष्ट्रियसभा निर्वाचनका लागि प्रदेशसभा सदस्य र स्थानीय तहका प्रमुख र उपप्रमुखका लागि छुट्टाछट्टै मतपत्र बनाइएको छ ।

प्रदेशसभा सदस्यका लागि सेतो कागजमा हरियो रङ्गको मसीले विवरण र निर्वाचन चिन्ह उल्लेख गरिएको छ ।

स्थानीय तहका सदस्यका लागि सेतो कागजमा रातो रङ्गको मसीले विवरण र निर्वाचन चिन्ह उल्लेख गरिएको छ । माघ ९ गते १८ जना सदस्यका लागि निर्वाचन हुनेछ । जसमध्ये प्रदेश १ बाट महिला, दलित र अन्य समूह गरी तीनजना, प्रदेश २ बाट महिला, दलित, अपाङ्गता भएका व्यक्ति वा अल्पसंख्यक समुदाय र अन्य समूह गरी चारजना, बागमतीबाट महिला र अन्य समूह गरी जम्मा दुई जना निर्वाचित हुनेछन् ।

त्यस्तै गण्डकी प्रदेशबाट महिला र अन्य समूह गरी दुई जना, प्रदेश ५ बाट महिला, अपाङ्गता भएका व्यक्ति वा अल्पसंख्यक समुदाय र अन्य समूह गरी तीनजना, कर्णाली प्रदेशबाट महिला र अन्य समूह गरी दुईजना र सुदूरपश्चिम प्रदेशबाट महिला र अन्य समूह गरी दुई जना निर्वाचित हुनेछन् । यस निर्वाचनमा प्रदेशसभा सदस्य ५५० जना र स्थानीय तहका सदस्य १,५०६ जना गरी जम्मा २,०५६ जना मतदाता रहेका छन् ।

जसमध्ये प्रदेश १ मा ३६७ जना, प्रदेश २ मा ३७९ जना, प्रदेश ३ मा ३४८ जना, गण्डकी प्रदेशमा २३० जना, प्रदेश ५ मा ३०५ जना, प्रदेश ६ मा १९८ जना र सुदूरपश्चिम प्रदेशमा २२९ जना मतदाता रहेका आयोगले जनाएको छ ।

प्रकाशित मिति: बिहीबार, माघ २, २०७६, १७:४३:००

प्रतिक्रिया दिनुहोस्