यूएईविरुद्ध नेपाली बलर चम्किंदा, १०६ रनमै ९ विकेट......

खेलकुद

गृहपृष्ठ
खेलकुद
यूएईविरुद्ध नेपाली बलर चम्किंदा, १०६ रनमै ९ विकेट......

यूएईविरुद्ध नेपाली बलर चम्किंदा, १०६ रनमै ९ विकेट......

सोमबार, वैशाख १८, २०८० बागेश्वरी पोस्ट

नेपालगन्ज । आज बिहानदेखि कीर्तिपुर क्रीकेट मैदानमा भइरहेको एसीसी प्रिमियर कप क्रीकेटको फाइनलमा नेपाल र यूएई भिड्दैछन् । टस हारेर पहिलो ब्याटिङ गरेको यूएई सस्तै रनमा समेटिएको छ ।

नेपाली बलर हावी बन्दा यूएईले पहिलो विकेट १७ रन बनाउँदा गुमायो । पहिलो विकेट गुमाउँदै कप्तान मुहम्मद वासिम ११ रन बनाएर आउट भए । उनको सोमपाल कामीले विकेट लिएका थिए ।

त्यस्तै यूएईले २८ रन जोड्दा दोस्रो विकेट गुमायो । वृत्य अरविन्द ८ रन बनाएर आउट भए । करण केसीले उनको विकेट लिए ।

यूएईको ८.१ ओभरमा ३५ रन हुँदा तेस्रो विकेट गुमाएको हो । तेस्रो विकेटका रुपमा आर्यन लाक्रा १३ रन बनाएर आउट भएका छन् । उनलाई करण केसीले आउट गरे ।

यूएईले ९.१ ओभर खेल्दा ३५ रन जोड्दा चौथो विकेट गुमाएको छ । रमिज शहजाद १ रन बनाएर आउट भए । उनलाई ललित राजवंशीले आउट गरेका थिए ।

यूएईले १३.१ ओभरमा ५१ रन जोड्दा पाँचौं विकेट गुमाएको छ । रोहन मुस्तफा २ रन बनाएर आउट भएका छन् । सन्दीप लामिछानेले विकेट लिएका हुन् ।

यूएईले २२.५ ओभरमा ९० रन जोड्दा छैटौं विकेट गुमाएको छ । बसिल हमिद १० रन बनाएर आउट भएका छन् । उनलाई गुल्सन झाले आउट गरे ।

यूएईले २५.४ ओभरमा १०३ रन जोड्दा सातौं विकेट गुमाएको हो । आयान अफ्जल खान ५ रन बनाएर आउट भएका छन् । सन्दीप लामिछानेले विकेट लिएका हुन् ।

यूएईले २७.२ ओभरमा १०६ रन जोड्दा आठौं विकेट गुमाएको छ । आसिफ खान सर्वाधिक ४६ रन बनाएर आउट भए । ललित राजवंशीले विकेट लिएका हुन् ।

यूएईले २७.३ ओभरमा १०६ रन जोड्दा नवौं विकेट गुमायो । जहुर खान डकआउट भएका छन् । ललित राजवंशीले विकेट लिए ।

नेपालले यूएईसँग अहिलेसम्मकै खेलेको खेलमा बलिङ उत्कृष्ट गरेको छ । नेपाली बलरहरुको उत्कृष्ट प्रदर्शनले यूएईले आजको फाइनल स्थगित हुँदासम्म ९ विकेटको क्षतिमा १०६ रन मात्र बनाएको छ ।

वर्षाले खेल स्थगित भएपछि आजको फाइनल खेललाई भोलि रिजर्भ डेसम्मका लागि स्थगित गरिएको हो ।

भोलि बिहान आजकै स्थितिबाट खेल सुरू हुनेछ । अर्थात २७.३ ओभरबाट ९ विकेटको नोक्सानीकै अवस्थामा भोलि खेल हुनेछ । भोलिको खेल पनि वर्षाले अवरूद्ध भएमा ओभर घटाइनेछ । ओभर घटाएर पनि खेल सम्भव नभए सुपर ओभर हुनेछ ।

सुपर ओभर पनि सम्भव नभएमा वरीयताको आधारमा च्याम्पियनको टुंगो लाग्नेछ । यस्तो अवस्थामा अपराजित रहेको नेपाल प्रतियोगिताको च्याम्पियन भएमा एसिया कपमा छनोट हुनेछ ।

एसीसी प्रिमियर कपको फाइनल जित्ने टोली एसिया कपमा भारत र पाकिस्तान सम्मिलित समूहमा प्रतिस्पर्धा गर्नेछ ।

प्रकाशित मिति: सोमबार, वैशाख १८, २०८० १६:२४