भोलि हुने विश्वकप क्रिकेटको फाइनल जित्ने राष्ट्रले कति पाउँछ पुरस्कार ?

खेलकुद

गृहपृष्ठ
खेलकुद
भोलि हुने विश्वकप क्रिकेटको फाइनल जित्ने राष्ट्रले कति पाउँछ पुरस्कार ?

भोलि हुने विश्वकप क्रिकेटको फाइनल जित्ने राष्ट्रले कति पाउँछ पुरस्कार ?

शनिबार, मंसिर २, २०८० बागेश्वरी पोस्ट

काठमाडौं । भारतमा जारी विश्वकप क्रिकेट २०२३ को फाइनल खेल आइतबार (भोलि ) हुँदैछ । विश्वकपको फाइनलमा सबैभन्दा बढी पटक विश्वकप जितेको अष्ट्रेलिया र भारतबीच फाइनल हुन लागेको हो ।

जारी विश्वकपमा भारत एक मात्र अपराजित राष्ट्र हो भने पछिल्लो समय अष्ट्रेलिया खेल सुधार्दै फर्ममा आएर फाइनल यात्रा तय गरेको हो । भोलिको फाइनल अहमदावादमा हुँदैछ ।

अष्ट्रेलियाले सबैभन्दा बढी ५ पटक र भारतले २ पटक विश्वकप जितेका छन् । जसमा अष्ट्रेलिया सन् १९८७, १९९९, २००३, २००७ र २०१५ र भारत सन् १९८३ र २०११ को विश्वकप विजेता हुन् ।

भोलि दिउँसो २:१५ बजे हुने विश्वकप फाइनल अष्ट्रेलिया अथवा भारत मध्ये एक टोलीले जित्ने पक्कै हो । फाइनल जित्ने राष्ट्रले ४० लाख अमेरिकी डलर ( ५३ करोड ३० लाख नेपाली रुपैयाँ ) र ट्रफी पुरस्कार पाउनेछ ।

यो पल्ट विश्वकप जित्ने टिमलाई ४० लाख अमेरिकी डलर अर्थात् ५३ करोड ३० लाख नेपाली रुपैयाँ बराबर नगद पुरस्कार छ भने उपविजेता राष्ट्रले २० लाख डलर (२६ करोड ६५ लाख नेपाली रुपैयाँ) पुरस्कार पाउनेछ ।

त्यस्तै सेमिफाइनल पुगेका दक्षिण अफ्रिका र न्यूजिल्याण्डले ८-८ लाख डलर (१० करोड ६६ लाख रुपैयाँ) नगद पाउनेछन् । विश्वकपको समूह चरणबाटै बाहिरिएका राष्ट्रहरुले १-१ लाख डलर (१ करोड ३३ लाख नेपाली रुपैयाँ ) पाउनेछन् ।

हालसम्मका विश्वकपमा अष्ट्रेलिया र भारत १३ पटक भिडेका छन् । जसमा अष्ट्रेलियाले ८ र भारतले ५ पटक जितेको छ । सेमिफाइनलमा अष्ट्रेलियाले साउथ अफ्रिका र भारतले न्यूजिल्याण्डलाई पराजित गर्दै फाइनलको यात्रा गरेका हुन् ।

प्रकाशित मिति: शनिबार, मंसिर २, २०८० ०७:४२