शरणार्थी प्रकरणमा दोषी छ भने नेता होस् कि नाता होस् कोही छुट्नुहुन्न: गगन थापा

राजनीति

गृहपृष्ठ
राजनीति
शरणार्थी प्रकरणमा दोषी छ भने नेता होस् कि नाता होस् कोही छुट्नुहुन्न: गगन थापा

शरणार्थी प्रकरणमा दोषी छ भने नेता होस् कि नाता होस् कोही छुट्नुहुन्न: गगन थापा

बुधबार, वैशाख २७, २०८० बागेश्वरी पोस्ट

नेपालगन्ज । नेपाली कांग्रेसका महामन्त्री गगन थापाले नक्कली भुटानी शरणार्थी प्रकरणमा दोषी छ भने नेता वा नाता कोही पनि छुट्न नहुने बताएका छन् । आजको प्रतिनिधिसभा बैठकमा बोल्दै महामन्त्री थापाले यस्तो बताएका हुन् ।

शरणार्थी प्रकरणमा कारबाहीको दायरामा आउनुपर्ने बताउँदै महामन्त्री थापाले भने, 'मेरो आग्रह छ अनुसन्धान फ्री र फेयर होस् । निर्दोष कोही पनि नपरोस् । तर दोषी छ भने नेता होस् कि नाता होस् एउटा पनि नछुटोस् ।'

उनले नक्कली भुटानी शरणार्थी प्रकरणमा सरकारले दह्रो सँग खुट्टा टेक्यो भने यो भन्दा अगाडि उसले सुशासनको नारा लगाउन सक्ने बताएका छन् ।

उनले भने, 'यो प्रकरणमा सरकारले दह्रो सँग खुट्टा टेक्यो भने यो भन्दा अगाडि उसले सुशासनको नारा लगाउन सक्छ । फिल्म चल्छ हाउस फुल हुन्छ । नभए हल खाली हुन्छ । नागरिकलाई फेयर लाग्नुपर्छ ।'

उनले अनुसन्धान प्रभावित हुनु नहुने बताए । उनले भने,' यो सरकारले यसलाई कसरी डिल गर्छ यसले निर्धारण गर्छ। यसमा हामी सबैको एकै आवाज छ संलग्न जोसुकै होस् कारबाहीको दायरामा आउनुपर्छ । बजारको हल्लाले अनुसन्धान प्रभावित नहोस् तर कुनै भेटघाटले प्रभावित नहोस् ।'

उक्त घटनामा हालसम्म १ सय छ जनाले २० जाहेरी दिएका छन् । उनीहरूले कुल रु. २३ करोड २५ लाख ठगी भएको भनी प्रहरीमा जाहेरी दिएका छन् । आजै नेपाली कांग्रेसका नेता तथा पूर्व गृहमन्त्री बालकृष्ण खाँडसहित निजी सचिव नरेन्द्र केसी पनि पक्राउ परेका छन् ।

अर्का आरोपित नेकपा (एमाले) का सचिव टोपबहादुर रायमाझीलाई भने प्रहरीले खोजी गरिरहेको छ ।

प्रकाशित मिति: बुधबार, वैशाख २७, २०८०, १३:३०:००

प्रतिक्रिया दिनुहोस्