उपचारपछि पहिलोपटक चन्द्र भण्डारी पुगे सांसद भवन

राजनीति

गृहपृष्ठ
राजनीति
उपचारपछि पहिलोपटक चन्द्र भण्डारी पुगे सांसद भवन

उपचारपछि पहिलोपटक चन्द्र भण्डारी पुगे सांसद भवन

बुधबार, जेठ १०, २०८० प्रविण गिरी

नेपालगन्ज । आगलागीमा परी गम्भीर भएर उपचारपछि पहिलो पटक आज नेपाली कांग्रेसका सांसद डा. चन्द्र भण्डारी संसदमा पुगेका छन् । उनी गत फागुन ३ गते निवासमा ग्यास लिक भई आगलागीमा परेका थिए ।

उनको फागुन ४ गतेदेखि बैशाख १७ गतेसम्म भारतको मुम्बईस्थित नेशनल बर्नस् अस्पतालमा उपचार गरिएको थियो । बैशाख १७ गते स्वदेश फर्किए पनि उनी संसदमा भने जान सकेका थिएनन् ।

पहिलोपटक बुधबार संसदमा पुगेका उनले गम्भीर विषय उठान गरे । उनले अहिले आफ्नो देश धेरै कुरामा पछि परेको बताउँदै इच्छाशक्ति हुने हो भने यसलाई सुधार गर्न सकिने बताए ।

सांसद भण्डारीले गाउँगाउँमा विज्ञान र प्रविधिका उपलब्धि पुर्याए पनि त्यसको प्रयोगबारे सिकाउन नसकिएको बताउँदै यी विषयहरू पाठ्यक्रम बनाएर लागू गर्नुपर्नेमा जोड दिए ।

उनले जनताको वास्तविक समस्या भने सांसदहरूले पहिचान गर्न नसकेको गुनासो गरे ।

प्रकाशित मिति: बुधबार, जेठ १०, २०८० १७:४२

प्रतिक्रिया दिनुहोस्