विवेकशील साझाका नेता उज्वल थापाको निधन

राजनीति

गृहपृष्ठ
राजनीति
विवेकशील साझाका नेता उज्वल थापाको निधन

विवेकशील साझाका नेता उज्वल थापाको निधन

मंगलबार, जेठ १८, २०७८ बागेश्वरी पोस्ट

नेपालगन्ज । विवेकशील साझा दलका नेता उज्वल थापाको निधन भएको छ । उनको उपचारका क्रममा आज (मंगलबार) अपराहृन करिब साँढे ४ बजे निधन भएको हो ।

काठमाडौँको मेडिसिटी अस्पतालमा उपचार गराइरहेका थापाको आज निधन भएको हो।

४४ वर्षिय थापालाई कोरोना र निमोनिया देखिएको थियो। तर सोमबार गरिएको परिक्षणमा कोरोना नेगेटिभ आएको थियो। थापालाई यसअघि ग्राण्डी र ह्याम्स अस्पतालमा पनि उपचार गरिएको थियो।

अस्पतालका अनुसार थापाको सोमबार गरिएको पीसीआर टेष्टको नतिजा नेगेटिभ आएको भए पनि शरीरका अंगहरुले प्रभावकारी काम गर्न नसकेको र जटिल संक्रमणका कारण स्वास्थ्य स्थितिमा परिवर्तन आउन सकेको थिएन ।

‘चिकित्सकहरुको अथक प्रयास र सबैको शुभेच्छाका बाबजुद उहाँको शारिरीक अवस्था सुुदृढ हुन सकेन’ मेडिसिटी अस्पतालद्धारा जारी वक्तव्यमा भनिएको छ, ‘मंगलबार अपराहृन ४ बजेर २५ मिनेटमा उहाँको असामयिक निधन भएको अवगत गराउँदछौं ।’

नेपालमा वैकल्पिक राजनीतिको वकाल गर्ने थापा पेशाले सूचना प्रविधि क्षेत्रका उद्यमी हुन् । उनकै अगुवाईमा अभियानका रुपमा सुरु भएको विकेकशील नेपाली पछि निर्वाचन आयोगमा दर्ता भई निर्वाचनमा सहभागी भएको थियो ।