माघको पहिलो साताभित्र स्थानीय चुनावको मिति तोक्न निर्वाचन आयोगद्वारा ध्यानाकर्षण

राजनीति

गृहपृष्ठ
राजनीति
माघको पहिलो साताभित्र स्थानीय चुनावको मिति तोक्न निर्वाचन आयोगद्वारा ध्यानाकर्षण

माघको पहिलो साताभित्र स्थानीय चुनावको मिति तोक्न निर्वाचन आयोगद्वारा ध्यानाकर्षण

शुक्रबार, पुस ३०, २०७८ बागेश्वरी पोस्ट

नेपालगन्ज । निर्वाचन आयोगले तोकिएको समयमै चुनाव नभए स्थानीय सरकार सञ्चालनमा सङ्कट आउने भन्दै दलहरूलाई सचेत गराएको छ ।

आजको सर्वदलीय वैठकपछि आयोगले विज्ञप्ति निकालेर समयमै चुनाव नभए पालिका तह सञ्चालनमा सङ्कट आउने उल्लेख गरेको छ । आजको बैठकमा प्रमुख निर्वाचन आयुक्त दिनेशकुमार थपलियाले सम्भावित सङ्कटबारे ब्रिफिङ गरेका थिए ।

जनप्रतिनिधिको पाँच वर्षे पदावधि आउँदो जेठ ५ गते सकिने र पालिकाको चुनाव गर्न कम्तीमा ५३ क्रियाकलाप सम्पन्न गर्नुपर्ने भएकाले कानुनतः १२० दिन आवश्यक पर्ने भएकाले माघको पहिलो हप्ताभित्रै मिति नतोके प्राविधिक, व्यवस्थापकीय एवम् व्यवहारिक दृष्टिले चुनाव गर्न कठिन हुने भएकाले गम्भीरतापूर्वक लिन आयोगले दल तथा सरोकारवाला सबैको ध्यानाकर्षण गराएको विज्ञप्तीमा उल्लेख छ ।

प्रकाशित मिति: शुक्रबार, पुस ३०, २०७८ १८:०१

प्रतिक्रिया दिनुहोस्