तनहुँमा घरमा ठोक्किएको ट्रक दुर्घटना अपडेट: उपचारका क्रममा तीन जनाको मृत्यु

सुरक्षा-अपराध

गृहपृष्ठ
सुरक्षा-अपराध
तनहुँमा घरमा ठोक्किएको ट्रक दुर्घटना अपडेट: उपचारका क्रममा तीन जनाको मृत्यु

तनहुँमा घरमा ठोक्किएको ट्रक दुर्घटना अपडेट: उपचारका क्रममा तीन जनाको मृत्यु

बुधबार, वैशाख २०, २०८० बागेश्वरी पोस्ट

नेपालगन्ज । तनहुँमा आज बिहान ट्रक घरमा ठोक्किंदा घाइते मध्ये ३ जनाको उपचारका क्रममा मृत्यु भएको छ ।

घाइतेहरु मध्ये थप ५ जनाको चितवनमा उपचार भइरहेको तनहुँ प्रहरीले जानकारी दिएको छ ।

तनहुँको बन्दीपुर गाउँपालिका ५ आँधीखोलास्थित पृथ्वी राजमार्ग सडक खण्डमा डुम्रेबाट मुग्लिनतर्फ जाँदै गरेको ना ४ ख १९७३ नम्बरको ट्रक अनियन्त्रित भई सडकको छेउमा रहेको सुनमाया भुजेल र सनबहादुर भुजेलको घरमा ठोक्किएको थियो ।

दुर्घटनामा ८ जना गम्भीर घाइते भएको र सबैलाई उपचारको लागि चितवनस्थित पुरानो मेडिकल कलेज भरतपुर पठाएकोमा ३ जनाको उपचारको क्रममा अस्पतालमा मृत्यु भएको जिल्ला प्रहरी कार्यालय तनहुँले जानकारी दिएको छ ।

प्रहरीका अनुसार मृत्यु हुनेमा तनहुँ बन्दीपुर गाउँपालिका १ बस्ने वर्ष १२ को आयुस भुजेल, वर्ष ५० को चेतबहादुर घर्ती र अन्दाजी ६९ वर्षका सनबहादुर भुजेल रहेको खाँणले बताए ।

त्यस्तै ५ जना गम्भीर घाइतेको पुरानो मेडिकल कलेज भरतपुरमा उपचार भइरहेको प्रहरीले जानकारी दिएको छ । ठक्कर दिने गाडी र चालकलाई नियन्त्रणमा लिएर प्रहरीले थप अनुसन्धान गरिरहेको जनाएको छ ।

प्रकाशित मिति: बुधबार, वैशाख २०, २०८०, १६:१५:००

प्रतिक्रिया दिनुहोस्