प्रहरी बनाइदिने भन्दै ६ लाख रुपैयाँ ठगी गर्ने आशिष मल्ल ठकुरी पक्राउ

सुरक्षा-अपराध

गृहपृष्ठ
सुरक्षा-अपराध
प्रहरी बनाइदिने भन्दै ६ लाख रुपैयाँ ठगी गर्ने आशिष मल्ल ठकुरी पक्राउ

प्रहरी बनाइदिने भन्दै ६ लाख रुपैयाँ ठगी गर्ने आशिष मल्ल ठकुरी पक्राउ

जतिसुकै ठुलो पावर लगाएपनि कारबाहीको प्रक्रिया अघि बढाइने: एसपी राना

बिहीबार, फागुन २७, २०७७ बागेश्वरी पोस्ट

नेपालगन्ज। प्रहरी बनाइदिने भन्दै ६ लाख रुपैयाँ ठगी गर्ने एक जनालाई ब्यक्तिलाई बाँके प्रहरीले पक्राउ गरेको छ।

प्रहरी बनाइदिने भन्दै दुई जनाबाट ६ लाख रुपैयाँ असुल्ने राप्तीसोनारी गाउँपालिका ६ बस्ने आशिष मल्ल ठकुरीलाई आज जिल्ला प्रहरी कार्यालय बाँकेले पक्राउ गरेको छ।

आफुलाई सामाजिक अभियन्ता बताउने ठकुरीले सल्यानका भिम बहादुर घर्ती र तारा मन्तासँग प्रहरी भर्नामा पास गराइदिने भन्दै ६ लाख रुपैयाँ लिएको बाँके प्रहरी प्रमुख एसपी ओम बहादुर रानाले जानकारी दिएका छन् । पिडितको जाहेरीका आधारमा ठकुरीलाई राप्तीसोनारीबाट ६ बाट पक्राउ गरि ल्याइएको एसपी रानाले भने।

एसपी रानाले ठकुरीले पीडितबाट एक पटक ४ लाख नगद र अर्को पटक २ लाख आइएमई मार्फत बुझेको बताए।पक्राउ परेका ठकुरीबाट पीडितको पैसा समेत असुलउपर गरि ठगी मुद्दा चलाइने एसपी रानाले बताए।

जति सुकै ठुलो पावर लगाएपनि जसरी पनि ठकुरीलाई कारबाहीको प्रक्रिया अघि बढाइने एसपी रानाले भने। एसपी रानाले ठकुरीलाई ठगी मुद्दा चलाई एक बर्ष कैद सजायको माग राखिने बताएका छन्।

पिडितले पटक पटक पैसा फिर्ता गर्न आग्रह गर्दा समेत ठकुरीले उल्टै धम्की दिने र पैसा फिर्ता नगरेपछि उजुरी दिएको एसपी रानाले भने।

प्रकाशित मिति: बिहीबार, फागुन २७, २०७७, १८:००:००