रेडपाण्डाको छालासहित नेपालगन्जबाट एक जना युवक पक्राउ

सुरक्षा-अपराध

गृहपृष्ठ
सुरक्षा-अपराध
रेडपाण्डाको छालासहित नेपालगन्जबाट एक जना युवक पक्राउ

रेडपाण्डाको छालासहित नेपालगन्जबाट एक जना युवक पक्राउ

शनिबार, असोज २३, २०७८ बागेश्वरी पोस्ट

नेपालगन्ज । जिल्ला प्रहरी बाँकेले संरक्षित वन्यजन्तु रेडपाण्डाको छालासहित एक जनालाई पक्राउ गरेको छ ।

रेडपाण्डाको छालाको कारोबार भइरहेको भन्ने बिशेष सूचनाका आधारमा जिल्ला प्रहरी बाँकेबाट गएको टोलीले आज बिहान ५ बजे नेपालगन्ज ४ बुद्ध मन्दिर न्यूरोड नजिकबाट छालासहित एक जनालाई पक्राउ गरेको हो ।

रेडपाण्डाको छालासहित पक्राउ पर्नेमा भेरी नगरपालिका १ जाजरकोटका २८ बर्षीय मनिराम सुनार रहेको बाँके प्रहरीले जानकारी दिएको छ ।पक्राउ परेका सुनारलाई चेकजाँच गर्ने क्रममा उनले बोकेको झोलाबाट रेडपाण्डाको छाला बरामद भएको जिल्ला प्रहरी बाँकेले जानकारी दिएको छ ।

पक्राउ परेका सुनारलाई हिरासतमा लिएर थप अनुसन्धान भइरहेको प्रहरीले बताएको छ ।

प्रकाशित मिति: शनिबार, असोज २३, २०७८ १२:५८

प्रतिक्रिया दिनुहोस्