नेपालगन्जबाट युरिया मलसहित ठुलो परिमाणमा अवैध सामाग्री बरामद

सुरक्षा-अपराध

गृहपृष्ठ
सुरक्षा-अपराध
नेपालगन्जबाट युरिया मलसहित ठुलो परिमाणमा अवैध सामाग्री बरामद

नेपालगन्जबाट युरिया मलसहित ठुलो परिमाणमा अवैध सामाग्री बरामद

आइतबार, कात्तिक २८, २०७८ बागेश्वरी पोस्ट

नेपालगन्ज । बाँके प्रहरीले भारतबाट ल्याउदै गरिएको ठुलो परिमाणमा अवैध सामाग्री बरामद गरेको छ।

जिल्ला प्रहरी बाँकेबाट प्रहरी सहायक निरीक्षक बिबेक अधिकारीको कमान्डमा गएको प्रहरी हवल्दार पुर्ण बस्नेतसहितको टोलीले नेपालगन्ज १० ट्राफिक चोकबाट शनिबार राती भन्सार छली गरेर ल्याइएको अन्दाजी ६३ हजार रुपैयाँ बराबरका लेडिज कपडा,७ बोरा गहुँ, ७ बोरा युरिया मल बरामद गरेको जिल्ला प्रहरी कार्यालय बाँकेले जानकारी दिएको छ।

त्यस्तै टोलीले नेपालगन्ज १० गणेशमान चोकबाट भारतबाट चोरीपैठारी गरेर ल्याइएको १ लाख रुपैयाँ बराबरका ताला चावी र मोजा बरामद गरेको बाँके प्रहरीले जनाएको छ।आज बिहान १० बजे र शनिबार राती बरामद गरिएका १ लाख ६३ हजार रुपैयाँ बराबरका अवैध सामाग्रीलाई नेपालगन्ज भन्सार कार्यालय बुझाईएको जिल्ला प्रहरी बाँकेले जानकारी दिएको छ।

प्रकाशित मिति: आइतबार, कात्तिक २८, २०७८ १८:१५

प्रतिक्रिया दिनुहोस्