टिपर र मोटरसाइकल ठोक्किंदा दुई जनाको मृत्यु

सुरक्षा-अपराध

गृहपृष्ठ
सुरक्षा-अपराध
टिपर र मोटरसाइकल ठोक्किंदा दुई जनाको मृत्यु

टिपर र मोटरसाइकल ठोक्किंदा दुई जनाको मृत्यु

बिहीबार, असार ९, २०७९ बागेश्वरी पोस्ट

नेपालगन्ज । टिपर र मोटरसाइकल एक आपसमा ठोक्किएर मोटरसाइकलमा सवार दुई जनाको मृत्यु भएको छ ।

भक्तपुरको सूर्यविनायक नगरपालिका ८ आदर्शचोक नजिकै जगातीतर्फ जाँदै गरेको बा ८९ प ७८७६ नम्बरको मोटरसाइकल र विपरीत दिशाबाट आउँदै गरेको बा ४ ख ५२९८ नम्बरको टिपर आज बिहान सवा २ बजे आपसमा ठोक्किंदा दुई जना युवाको मृत्यु भएको हो ।

भक्तपुर नगरपालिका २ ब्यासी बस्ने १९ वर्षीय मृतक निश्चल चौगुठीको मात्र सनाखत भएको प्रहरी परिसर भक्तपुरले जानकारी दिएको छ । २०–२१ वर्षका जस्तो देखिने अर्का एक मृतक युवकको भने सनाखत हुन बाँकी छ । उनीहरुको भक्तपुर अस्पतालमा उपचारका क्रममा मृत्यु भएको प्रहरीले जनाएको छ ।

टिपर चालक र टिपरलाई नियन्त्रणमा लिएर थप अनुसन्धान भइरहेको प्रहरीलेले जनाएको छ । शव भक्तपुर अस्पतालमा राखिएको छ ।

प्रकाशित मिति: बिहीबार, असार ९, २०७९ ०८:४९

प्रतिक्रिया दिनुहोस्