सशस्त्र प्रहरीले बाँकेबाट बरामद गर्यो ट्रकसहित ५९ लाख बढीको अवैध सामग्री

सुरक्षा-अपराध

गृहपृष्ठ
सुरक्षा-अपराध
सशस्त्र प्रहरीले बाँकेबाट बरामद गर्यो ट्रकसहित ५९ लाख बढीको अवैध सामग्री

सशस्त्र प्रहरीले बाँकेबाट बरामद गर्यो ट्रकसहित ५९ लाख बढीको अवैध सामग्री

तस्करी रोक्न आफैं गस्ती गर्दै सशस्त्र प्रहरी उपरीक्षक बस्नेत

मंगलबार, साउन २४, २०७९ बागेश्वरी पोस्ट

नेपालगन्ज । सशस्त्र प्रहरी बाँके प्रमुखले आफैं बाँकेबाट ट्रकसहित लगभग साढे ५९ लाखको अवैध सामग्री बरामद गर्नुका साथै दुई जनालाई पक्राउ गर्न सफल भएर ठुलो सफलता हात परेका छन् ।

सशस्त्र प्रहरी बल नम्बर ३० गण बागेश्वरी बाँकेका प्रमुख सशस्त्र प्रहरी उपरीक्षक जनकराज बस्नेतको कमान्डमा गएको टोलीले आज बिहान २ बजे बाँकेको बैजनाथ गाउँपालिका वडा नम्बर १ हात्तीसार चिसापानीमा भे १ ख ३५८८ नम्बरको ट्रकलाई चेकजाँच गर्ने क्रममा ठुलो परिमाणमा अवैध चामल, चिनी, सुपरपावर सुर्ती, लेडिज सुट बरामद गरेको सशस्त्र प्रहरी बल नम्बर ३० गण बागेश्वरी बाँकेले जनाएको छ ।

सशस्त्र प्रहरी बलका अनुसार सशस्त्र प्रहरी उपरीक्षक बस्नेतको कमान्डको टोलीले ट्रकसहित बिल नभएका १ सय बोरा चिनी, ३ सय बोरा चामल, २९ बोरी सुपरपावर सुर्तीर १ सय पिस लेडिज सुट बरामद गरेको हो । उक्त टोलीले दैलेख गुराँसे गाउँपालिका ४ का २७ बर्षीय ट्रक चालक गौरव गिरी र दैलेख दुल्लु १२ का २१ बर्षीय ट्रक चालक अर्जुन रावतलाई समेत पक्राउ गरेको हो ।

बरामद गरिएका ५९ लाख ४० हजार बराबरका सबै अवैध सामग्री, नियन्त्रणमा लिइएको ट्रकसहित दुई जनालाई आबश्यक कारबाहीका लागि आजै नेपालगन्ज भन्सार कार्यालय बुझाइएको सशस्त्र प्रहरी बल नम्बर ३० गण बागेश्वरी बाँकेले जनाएको छ ।

सशस्त्र प्रहरी उपरीक्षक बस्नेतले सीमा नाकामा हुने तस्करीविरुद्ध दैनिक आफैं गस्ती समेत गर्दै आएका छन् । बस्नेत आफैं फिल्डमा खट्दै तस्करीविरुद्ध लाग्न मातहतका सबैलाई निर्देशन दिँदै आएका छन् । बस्नेतले बाँके कमान्ड सम्हालेको ६ महिनामै साढे २ करोड बढीको राजस्व समेत संकलन गर्दै संगठनमा उत्कृष्ट कार्य गर्ने सशस्त्र प्रहरी उच्च अधिकृतमा नाम लेखाउन समेत सफल बनेका छन् ।

प्रकाशित मिति: मंगलबार, साउन २४, २०७९ १८:४९

प्रतिक्रिया दिनुहोस्